കുവൈത്ത് സിറ്റി > കുവൈത്ത് വയനാട് അസോസിയേഷൻ എല്ലാവർഷവും വയനാട് ജില്ലയിലെ നിർദ്ധനരായ വിദ്യാർത്ഥി വിദ്യാർത്ഥിനികൾക്ക് നൽകിവരുന്ന വിദ്യാഭ്യാസ പഠനോപകരണ വിതരണത്തിന്റെ ഭാഗമായി, ‘വിദ്യാകിരൺ 2023’ ഈ വർഷം 130 കുട്ടികൾക്ക് ഒരുവർഷത്തേക്ക് ആവശ്യമായ മുഴുവൻ പഠനോപകരണങ്ങളും 250 രൂപയാത്ര ബത്തയും നൽകി.
വയനാട് ജില്ലാ സ്പോർട്സ് കൗൺസിൽ ഹാളിൽ നടന്ന ചടങ്ങിൽ വയനാട് ജില്ല പഞ്ചായത്ത് പ്രസിഡന്റ് സംഷാദ് മരക്കാർ ഉദ്ഘാടനം ചെയ്ത ചടങ്ങിൽ കുവൈറ്റ് വയനാട് അസോസിയേഷന്റെ സ്ഥാപക പ്രസിഡണ്ടും വിദ്യാകിരൺ 2023 കൺവീനറുമായ റോയി മാത്യു പരിപാടിയുടെ അധ്യക്ഷനായിരുന്നു. തുടർന്ന് കിറ്റ് വിതരണവും നടത്തി. കുവൈറ്റ് വയനാട് അസോസിയേഷൻ പ്രസിഡന്റ് ശ്രീ ബ്ലെസൻ സാമുവൽ വിഡിയോ സന്ദേശവും നൽകി.
എബി പോൾ, മിനി കൃഷ്ണ, ജോജോ ചാക്കോ, ജസ്ന മൻസൂർ, മേഴ്സി കുഞ്ഞുമോൾ, ലെനി തോമസ് എന്നിവർ ആശംസകൾ അർപ്പിച്ച് സംസാരിച്ചു.ഈ വർഷം സിബിഎസ്ഇ സ്റ്റേറ്റ് കലോത്സവത്തിൽ ലൈറ്റ് മ്യൂസിക്കിന് ഫസ്റ്റ് റണ്ണറപ്പായ കുമാരി ഏഞ്ജലീന റംസി പെരിക്കല്ലൂരിന് മെമെന്റോ നൽകി ആദരിച്ചു. പ്രൗഢവും ലളിതവുമായ ചടങ്ങിന് കുവൈത്ത് വയനാട് അസോസിയേഷന്റെ മുൻ പ്രസിഡന്റ് റംസി ജോൺ സ്വാഗതവും ട്രഷറർ അജേഷ് സെബാസ്റ്റ്യൻ നന്ദിയും രേഖപ്പെടുത്തി .
