കുവൈത്ത് സിറ്റി > കുവൈത്തിലെ പ്രമുഖ ഹൈപ്പർ മാർക്കറ്റായ അൽ ഹകീമിയുടെ പുതിയ ഹൈപ്പർമാർക്കറ്റ് പ്രവർത്തനമാരംഭിച്ചു. ശുവൈഖ് ഇൻഡസ്ട്രിയൽ ഏരിയയിൽ ആരംഭിച്ച ഹൈപ്പർ മാർക്കറ്റ് കുവൈറ്റിലെ ഇന്ത്യൻ അംബാസഡർ ഡോക്ടർ ആദർശ് സ്വൈഖ ഉദ്ഘാടനം ചെയ്തു . അന്താരാഷ്ട്ര മില്ലറ്റ് വർഷമായി ആചരിക്കുന്നതിന്റെ ഭാഗമായി ഹൈപ്പർ മാർക്കറ്റിൽ തുറന്ന പ്രത്യേക മില്ലറ്റ് കൗണ്ടറും അംബാസഡർ ഉദ്ഘാടനം ചെയ്തു.
ഗുണനിലവാരത്തിലും ഉപഭോക്തൃ സേവനത്തിലും 2007 മുതൽ മികച്ച സേവനമാണ് അൽ ഹക്കിമീ പിന്തുടരുന്നതെന്നും വൈവിധ്യമാർന്ന ഇന്ത്യൻ സുഗന്ധവ്യഞ്ജനങ്ങൾക്കും ആയുർവേദ ഔഷധസസ്യങ്ങളുംടെയും വലിയ ശേഖരം ഹൈപ്പർ മാർക്കറ്റിൽ ഒരുക്കിയിട്ടുണ്ടെന്നും ഉടമകളായ സോയിബ് ഹുസ്സൈൻ ബദ്രി, ബുർഹാനുദ്ദീൻ ബദ്രി എന്നിവർ പറഞ്ഞു. കുവൈറ്റിലെ ഇന്ത്യൻ ബിസിനസ്സ് രംഗത്തെ പ്രമുഖരടക്കം നിരവധി പേർ ഉദ്ഘാടന ചടങ്ങിൽ പങ്കെടുത്തു.
