ഇന്‍ഷയുടെ ജയം കാഴ്ചകളഞ്ഞ 
പെല്ലറ്റ്‌ ആക്രമണത്തെയും മറികടന്ന്‌

ശ്രീ​ന​ഗര്
ജമ്മു കശ്മീരിലെ ഷോപിയാനില് 2016ൽ നടന്ന പ്രക്ഷോഭത്തിനിടെ കാഴ്ച നഷ്ടപ്പെട്ട ഇന്ഷയ്ക്ക് പ്ലസ് ടു പരീക്ഷയില് ഉജ്വലവിജയം. 319 മാര്ക്ക് നേടിയാണ് ഇന്ഷ വിജയം കൊയ്തത്. വെള്ളിയാഴ്ചയാണ് പരീക്ഷാഫലം പ്രഖ്യാപിച്ചത്. പത്താംതരം പരീക്ഷ എഴുതാന് മറ്റൊരാളുടെ സഹായം തേടിയ ഇന്ഷ, പിന്നീട് ബ്രെയ്-ലി ലിപി പഠിച്ചെടുക്കുകയായിരുന്നു. പ്രക്ഷോഭം നടക്കുന്ന സമയത്ത് വീടിന്റെ ജനലിന് സമീപം നില്ക്കുകയായിരുന്ന ഇന്ഷയുടെ കണ്ണില് പെല്ലറ്റുകള് തറച്ചാണ് കാഴ്ച നഷ്ടമായത്. ഐഎഎസ് ഉദ്യോ​ഗസ്ഥയാകാനാണ് ഇന്ഷയുടെ ആ​ഗ്രഹം.