ന്യൂഡൽഹി
യാത്രക്കാരൻ ജീവനക്കാർക്കെതിരെ ശാരീരിക ആക്രമണത്തിന് മുതിർന്നതോടെ ഡൽഹിയിൽനിന്ന്- ലണ്ടനിലേക്ക് പുറപ്പെട്ട എയർ ഇന്ത്യ വിമാനം തിരിച്ചിറക്കി. തിങ്കൾ രാവിലെ 6.30ന് ലണ്ടനിലെ ഹീത്രുവിലേക്ക് പുറപ്പെട്ട എഐ 111 വിമാനമാണ് 9.42ന് തിരിച്ചിറിക്കിയത്. യാത്രക്കാരനെ സുരക്ഷാസേനയ്ക്ക് കൈമാറി. എയർ ഇന്ത്യയുടെ പരാതിയിൽ കേസെടുത്തു.
ഇയാൾ വനിത ജീവനക്കാരിയെ കൈയേറ്റം ചെയ്യുകയും മറ്റൊരു ജീവനക്കാരിയുടെ മുടി പിടിച്ചുവലിക്കുകയും ചെയ്തു. യാത്രക്കാരൻ പ്രകോപനം തുടർന്നതോടെ പൈലറ്റ് വിമാനം തിരിച്ചിറക്കാൻ തീരുമാനിക്കുകയായിരുന്നെന്ന് എയർ ഇന്ത്യ പ്രസ്താവനയിൽ അറിയിച്ചു.
