റിയാദ്> കേളി ബത്ഹ ഏരിയ രക്ഷാധികാരി സമിതിയുടെ നേതൃത്വത്തിൽ അൽമാസ് ഹാളിൽ എകെജി- ഇഎംഎസ് അനുസ്മരണം സംഘടിപ്പിച്ചു. ഏരിയ രക്ഷാധികാരി സമിതി സെക്രട്ടറി രജീഷ് പിണറായി അധ്യക്ഷത വഹിച്ചു. രക്ഷാധികാരി സമിതി അംഗം സെൻ ആന്റണി ആമുഖ പ്രഭാഷണം നടത്തി.
കേളി കേന്ദ്ര കമ്മറ്റി അംഗവും, ബത്ഹ ഏരിയാ സെക്രട്ടറിയുമായ രാമകൃഷ്ണൻ സ്വാഗതമാശംസിച്ചു. കേളി കേന്ദ്ര കമ്മറ്റി അംഗവും ബത്ഹ ഏരിയ ട്രഷററുമായ ബിജു തായമ്പത്ത് അനുസ്മരണ പ്രമേയം അവതരിപ്പിച്ചു. കേളി മുഖ്യ രക്ഷാധികാരി സമിതി അംഗം പ്രഭാകരൻ കണ്ടോന്താർ ഇഎംഎസ് – ഏകെജി അനുസ്മരണ പ്രഭാഷണം നടത്തി.ബത്ഹ രക്ഷാധികാരി സമിതി അംഗവും കേളി സൈബർവിങ് കൺവീനറുമായ സിജിൻ കൂവള്ളൂർ, ബത്ഹ ഏരിയാ വൈസ് പ്രസിഡന്റ് മോഹൻദാസ്, റെയിൽ യൂണിറ്റ് സെക്രട്ടറി സുധീഷ് തുടങ്ങിയവർ അനുസ്മരണ യോഗത്തിൽ സംസാരിച്ചു.
ബത്ഹ ഏരിയാ രക്ഷാധികാരി സമിതി അംഗങ്ങൾ ഏരിയാ കമ്മറ്റി അംഗങ്ങൾ, വിവിധ യൂണിറ്റ് ഭാരവാഹികൾ, യൂണിറ്റ് അംഗങ്ങൾ തുടങ്ങി നിരവധിപേർ അനുസ്മരണ യോഗത്തിൽ പങ്കെടുത്തു. രക്ഷാധികാരി സമിതി അംഗവും , ബത്ഹ ഏരിയാ പ്രസിഡന്റുമായ ഷഫീഖ് നന്ദി രേഖപ്പെടുത്തി.
