ജിസാൻ> സൗദി സ്ഥാപക ദിനത്തിനോട് അനുബന്ധിച്ച് ജിസാൻ ആർട്ട് ലവേഴ്സ് അസോസിയേഷൻ (ജല) ജിസാൻ വെസ്റ്റ് യൂണിറ്റ് കമ്മിറ്റി രക്തദാന ക്യാമ്പ് സംഘടിപ്പിച്ചു. ജിസാൻ ഏരിയയുടെ കീഴിലുള്ള എല്ലാ യൂണിറ്റിൽ നിന്നുമുള്ളവർ ജിസാൻ ജനറൽ ഹോസ്പിറ്റലിൽ നടന്ന രക്തദാനത്തിൽ പങ്കാളികളായി.
ക്യാമ്പ് ജലയുടെ ജനറൽ സെക്രട്ടറി സതീഷ് കുമാർ നീലാംബരി ഉൽഘാടനം ചെയ്തു. യൂണിറ്റ് പ്രസിഡന്റ് സലാം എളമരം അധ്യക്ഷനായി. ജല കേന്ദ്ര കമ്മറ്റി ട്രഷറർ ഡോ. ജോ വർഗ്ഗീസ് രക്ത ദാനത്തെ കുറിച്ച് സന്ദേശം നൽകി, ജല പ്രസിഡന്റ് ഫൈസൽ മേലാറ്റൂർ, രക്ഷാധികാരി വെന്നിയൂർ ദേവൻ, ജീവകാരുണ്യ വിഭാഗം ചെയർമാൻ സണ്ണി ഓതറ, സെക്രട്ടറി മാരായ സലാം കൂട്ടായി, അനീഷ് നായർ, കേന്ദ്ര കമ്മറ്റി വൈസ് പ്രസിഡന്റ് ഡോ. രമേഷ് മൂച്ചിക്കൽ തുടങ്ങിയവർ ആശംസകൾ അറിയിച്ചു സംസാരിച്ചു. യൂണിറ്റ് ജീവ കാരുണ്യ വിഭാഗം കൺവീനർ അന്തുഷ ചെട്ടിപ്പടി സ്വാഗതവും, വൈ.പ്രസിഡന്റ് ബിനു ബാബു നന്ദിയും പറഞ്ഞു.
യൂണിറ്റ് സെക്രട്ടറി സിയാദ്, ട്രെഷറർ വസീം മുക്കം, ജബ്ബാർ പാലക്കാട് , സലീം മൈസൂർ, ഗഫൂർ പൊന്നാനി, ഹോസ്പിറ്റൽ നേഴ്സ് ഷിനി ബിനു എന്നിവർ പരിപാടിക്ക് നേതൃത്വം നൽകി. രക്തദാനം സംഘടിപ്പ ജല പ്രവർത്തകരെ ഹോസ്പിറ്റൽ ബ്ലഡ് ബാങ്ക് ഡയറക്ടർ യാസിർ മജ്റബി അഭിനന്ദിച്ചു.
