കുവൈറ്റ് സിറ്റി> ശബ്ദ ദൃശ്യ വിസ്മയവും ദേശഭക്തി ഗാനങ്ങൾ ഉൾപെട്ട സംഗീത വിരുന്നോടെയും കുവൈറ്റിന്റെ 2023 ലെ ദേശീയ ദിനാഘോഷത്തിന് സമാപനം കുറിച്ചു.
അറേബ്യൻ ഗൾഫ് സ്ട്രീറ്റിനു മുകളിലൂടെ കണ്ണഞ്ചിപ്പിക്കുന്ന രൂപങ്ങളും വർണ്ണങ്ങളും കൊണ്ട് ആകാശത്തെ പ്രകാശിപ്പിക്കുന്ന അത്ഭുതകരമായ കരിമരുന്ന് പ്രകടനത്തോടെയാണ് ദേശീയ ദിനാഘോഷങ്ങൾക്ക് അവസാനം കുറിച്ചത്.
ഷോ കാണാനും ഫോട്ടോയെടുക്കാനും മണിക്കൂറുകൾക്കുമുമ്പ് ആളുകൾ സംഭവസ്ഥലത്തേക്ക് ഒഴുകിയെത്തിയിരുന്നു. കരിമരുന്ന് പ്രകടത്തിന് പുറമേ, ആയിരക്കണക്കിന് ഡ്രോണുകൾ രാജ്യത്തിന്റെ സംസ്കാരത്തിന്റെയും ചരിത്രപരമായ നാഴികക്കല്ലുകളുടെയും ,നേതാക്കളുടെയും വിവിധ രൂപങ്ങൾ പ്രതിഫലിപ്പിക്കുന്ന വർണ്ണാഭമായ പ്രദർശനങ്ങളും നടന്നു.
