പ്രൈംവോളി ആവേശം 
കൊച്ചിയിൽ ; അവസാനറൗണ്ട്‌ മത്സരങ്ങൾ നാളെമുതൽ

കൊച്ചി
പ്രൈം വോളിബോൾ ലീഗിന്റെ ആവേശം ഇനി കൊച്ചിയിൽ. അവസാനറൗണ്ട് മത്സരങ്ങൾ നാളെമുതൽ കടവന്ത്ര രാജീവ്ഗാന്ധി ഇൻഡോർ സ്റ്റേഡിയത്തിൽ (റീജണൽ സ്പോർട്സ് സെന്റർ) നടക്കും. രാത്രി ഏഴിന് നടക്കുന്ന ആദ്യ മത്സരത്തിൽ കലിക്കറ്റ് ഹീറോസ് ചെന്നൈ ബ്ലിറ്റ്സിനെ നേരിടും. മാർച്ച് രണ്ടിന് റൗണ്ട് റോബിൻ ലീഗ് മത്സരങ്ങൾ അവസാനിക്കും. മാർച്ച് 3,4 തീയതികളിലാണ് സെമി. മാർച്ച് അഞ്ചിന് കിരീടപ്പോരാട്ടം. കാണികൾക്ക് പ്രവേശനം ടിക്കറ്റ് മൂലം. https://in.bookmyshow.com/ വഴി കൊച്ചിയിലെ ഓരോ മത്സരങ്ങളുടെയും ടിക്കറ്റുകൾ ബുക്ക് ചെയ്യാം.