ക്രൈസ്‌തവർക്കെതിരായ സംഘപരിവാർ 
ആക്രമണം: ഡൽഹിയിൽ പ്രതിഷേധം

ന്യൂഡൽഹി
ഛത്തീസ്ഗഢിൽ ക്രൈസ്തവർക്കു നേരെയുള്ള സംഘപരിവാർ അതിക്രമങ്ങൾക്കെതിരായി ഡൽഹിയിൽ മെഴുകുതിരി കത്തിച്ച് പ്രതിഷേധം. ഓൾ ഡൽഹി ക്രിസ്ത്യൻ കമ്മിറ്റി സംഘടിപ്പിച്ച പ്രതിഷേധത്തിൽ ഡൽഹി ആർച്ച് ബിഷപ് അനിൽ ജെ കൂട്ടോ, മുഹമ്മദ് സലീം എൻജിനിയർ, എ കെ മർച്ചന്റ്, സിഎൻഐ ചർച്ച് ബിഷപ് പോൾ സ്വരൂപ്, നവൈദ് ഹമീദ്, സ്വാമി ഗോസ്വാമി സുശീൽ മഹാരാജ്, റാബി എസ്കീൽ, ഡോ. ജോൺ ദയാൽ തുടങ്ങിയവർ പങ്കെടുത്തു. ന്യൂഡൽഹി സേക്രട്ട് ഹാർട്ട് കത്തീഡ്രലിനു മുന്നിലായിരുന്നു പ്രതിഷേധം.