സഫ്‌ദറിന്റെ ഓർമ 
പുതുക്കി ഡൽഹി

ന്യൂഡൽഹി
തെരുവുനാടകം കളിക്കുന്നതിനിടെ 1989ലെ പുതുവൽസര ദിനത്തിൽ കോൺഗ്രസുകാരുടെ മർദനമേറ്റ് കൊല്ലപ്പെട്ട കമ്യൂണിസ്റ്റ് നാടകപ്രവർത്തകൻ സഫ്ദർ ഹശ്മിയുടെ ഓർമ പുതുക്കി സഹപ്രവർത്തകരും ഇടതുപക്ഷ പ്രവർത്തകരും. സഫ്ദറിന് മർദനമേറ്റ ഡൽഹി–- യുപി അതിർത്തിയിലെ ഝണ്ഡാപ്പുരിലെ അനുസ്മരണച്ചടങ്ങിൽ സിഐടിയു സെക്രട്ടറി എ ആർ സിന്ധു, ചലച്ചിത്ര താരങ്ങളായ നസിറുദീൻ ഷാ, രത്നപഥക് ഷാ എന്നിവർ സംസാരിച്ചു. സിപിഐ എം പിബി അംഗം ബൃന്ദ കാരാട്ട് അടക്കമുള്ളവർ പങ്കെടുത്തു. സഫ്ദർ രൂപീകരിച്ച ജനനാട്യമഞ്ച് പ്രവർത്തകർ തെരുവുനാടകം അവതരിപ്പിച്ചു. സുർജിത് ഭവനിൽ സഹ്മദിന്റെ നേതൃത്വത്തിലും സഫ്ദർ ദിനം കലാസാംസ്കാരിക പരിപാടികളോടെ ആചരിച്ചു.