മുംബൈ> നടന് സിദ്ധാന്ത് വീര് സൂര്യവംശി (46, ആനന്ദ് വീർ സൂര്യവംശി) ജിംനേഷ്യത്തിൽ കുഴഞ്ഞുവീണു മരിച്ചു. വ്യായാമത്തിനിടെ ദേഹാസ്വാസ്ഥ്യം അനുഭവപ്പെടുകയായിരുന്നു. തുടര്ന്ന് കുഴഞ്ഞു വീണു. ഉടൻ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഹൃദയാഘാതമാണ് മരണകാരണമെന്ന് സ്ഥിരീകരിക്കാത്ത റിപ്പോര്ട്ടുകളുണ്ട്.
മോഡലിങ്ങിലൂടെ കരിയർ ആരംഭിച്ച സിദ്ധാന്ത് ഏക്ത കപൂര് നിര്മിച്ച ഖുസും എന്ന സീരിയലിലൂടെയാണ് ടെലിവിഷന് രംഗത്ത് അരങ്ങേറ്റം കുറിച്ചത്. സമീന് സേ ആസ്മാന് തക്, വിരുദ്ധ്, ഭാഗ്യവിധാത, മംമ്ത, ഖയാമത്ത് തുടങ്ങിയ സിരീയലുകളില് വേഷമിട്ടു. 2007-ല് ഇന്ത്യന് ടെലി പുരസ്കാരം നേടിയിട്ടുണ്ട്. 2000ൽ ഇറയെ വിവാഹം കഴിച്ചെങ്കിലും 2015ൽ വിവാഹമോചനം നേടി. ആദ്യ വിവാഹത്തിൽനിന്ന് അദ്ദേഹത്തിന് ഒരു മകളുണ്ട്. തുടർന്ന് 2017ൽ സൂപ്പർ മോഡൽ അലീസിയ റൗട്ടിനെ വിവാഹം കഴിച്ചു.
