ദുബായ് > യുഎഇ ദേശീയ ദിനാഘോഷത്തിന്റെ ഭാഗമായി ഡിസംബർ 2,3 തീയതികളിൽ ദുബായ് ക്രസന്റ് സ്കൂളിൽ വച്ച് നടക്കുന്ന കേരളോത്സവം 2022 വിജയിപ്പിക്കാനായുള്ള സ്വാഗത സംഘം രൂപീകരിച്ചു. ഗർഹൂദ് ഈറ്റ്& ഡ്രിങ്ക് റീസ്റ്റോറന്റ് ഹാളിൽ ചേർന്ന സ്വാഗത സംഘ രൂപീകരണ യോഗം അഡ്വക്കേറ്റ് നജീത് ഉദ്ഘാടനം ചെയ്തു. ഓർമ്മ പ്രസിഡണ്ട് റിയാസ് കൂത്തുപറമ്പ് അധ്യക്ഷനായി.
ഓർമ്മ രക്ഷാധികാരി എൻ കെ കുഞ്ഞഹമ്മദ്, സാദിഖ്, കൈരളി ടിവി പ്രതിനിധി ജമാൽ, ഷിജു നെടുമ്പ്രോൺ , രാജൻ മാഹി, അബ്ദുൽ റഷീദ്, അബ്ദുൽ റഹ്മാൻ തുടങ്ങിയവർ സംസാരിച്ചു. ജനറൽ സെക്രട്ടറി അനീഷ് മണ്ണാർക്കാട്, ജനറൽ കൺവീനർ സജീവൻ കെ വി, പരസ്യ വിഭാഗം കൺവീനർ ഷിജു ബഷീർ എന്നിവർ കേരളോത്സവ കാര്യങ്ങൾ വിശദീകരിച്ചു. സെക്രട്ടറി വിജീഷ നന്ദി പറഞ്ഞു.
യുഎഇ ദേശീയ ദിനാഘോഷത്തിന്റെ ഭാഗമായി പോറ്റമനാടിനുള്ള ആദരമായാണ് രണ്ടുദിവസം നീണ്ടുനിൽക്കുന്ന കേരളോത്സവം അരങ്ങേറുന്നത്. പ്രവാസ ലോകത്ത് കേരളത്തിന്റെ നാട്ടുൽത്സവങ്ങളുടെ ആരവമുയർത്തിക്കൊണ്ട് ഗൃഹാതുരത്വമുണർത്തുന്ന തനത് നാടൻ കലകളും മേളങ്ങളും ചന്തകളും പുസ്തകശാലകളും അറബ് സംസ്കാരത്തിന്റെ ഭാഗമായ കലാരൂപങ്ങളും രണ്ടുദിവസങ്ങളിലായിഅരങ്ങേറും. ഉത്സവത്തിന് കൊഴുപ്പ് കൂട്ടുവാനായി നാട്ടിൽ നിന്നുള്ള പ്രമുഖ മ്യൂസിക് ബാൻഡ്കളും മന്ത്രിമാർ ഉൾപ്പെടെ സാംസ്കാരിക നായകരും എത്തിച്ചേരും. നോർക്ക ഡയറക്ടർ OV മുസ്തഫ ചെയർമാനും അഡ്വക്കേറ്റ് നജീദ് , മോഹനൻ മൊറാഴ, ഷിജു ശ്രീനിവാസൻ, അനിത ശ്രീകുമാർ എന്നിവർ രക്ഷാധികാരികളുമായ 101 അംഗ എക്സിക്യൂട്ടീവ് കമ്മിറ്റിയെയും യോഗം തിരഞ്ഞെടുത്തു.
