റിയാദ്> റിയാദ് സീസൺ 2022 ഒക്ടോബർ 21ന് ആരംഭിക്കും. ജനറൽ എന്റർടൈൻമെന്റ് അതോറിറ്റിയുടെ ഡയറക്ടർ ബോർഡ് ചെയർമാൻ തുർക്കി അബ്ദുൽ-മുഹ്സിൻ ആലു ശൈഖ് ആണ് തിയതി പ്രഖ്യാപിച്ചത്. “ഭാവനക്കുമപ്പുറം” എന്ന സ്ലോഗനു കീഴിലാണ് ഇത്തവണ റിയാദ് സീസൺ മൂന്നാം പതിപ്പ് അരങ്ങേറുക. സീസ്ൺ 70 ദിവസമോ അതിലേറെയോ നീണ്ടുനിൽക്കും. കഴിഞ്ഞ രണ്ടു പതിപ്പുകളും മാർച്ചിൽ ആണ് അവസാനിച്ചത്. 21നു സിർക്യു ഡു സോലൈലിന്റെ അന്താരാഷ്ട്ര കച്ചേരിയോയാണ് ആരംഭം.
പുതിയ സീസണിൽ 15 മേഖലകളുണ്ട്. “ബൊളിവാർഡ് വേൾഡ്” പ്രദേശമാണ് പ്രധാനപെട്ടത്. ലോകത്തിലെ ഏറ്റവും വലിയ കൃത്രിമ തടാകവും ഈ സീസന്റെ സവിശേഷതയാണ്. സന്ദർശകർക്ക് റിയാദ് നഗരത്തിൽ ആദ്യമായി അന്തർവാഹിനി സവാരി ആസ്വദിക്കാം. ലോകമെമ്പാടുമുള്ള നിരവധി രാജ്യങ്ങളുടെ സംസ്കാരങ്ങളും അന്തരീക്ഷവും ഉൾപ്പെടുന്നു. അമേരിക്ക, ഫ്രാൻസ്, ഗ്രീസ്, ഇന്ത്യ, ചൈന, സ്പെയിൻ, ജപ്പാൻ, മൊറോക്കോ, മെക്സിക്കോ, ഇറ്റാലിയൻ, വെനീസ്- തുടങ്ങിയ രാജ്യങ്ങൾ റെസ്റ്റോറന്റുകൾ, മാർക്കറ്റുകൾ, കലകൾ എന്നിവയിലൂടെ അവരുടെ രാജ്യങ്ങളുടെ അനുഭവങ്ങൾ വാഗ്ദാനം ചെയ്യും.
കൂടാതെ കൊമ്പാറ്റ് വില്ലേജ് പോലെയുള്ള നിരവധി പ്രത്യേക പരിപാടികൾ ആസ്വദിക്കാം. സൂപ്പർഹീറോ വില്ലേജ്, മണിക്കൂറിൽ 3,000 സന്ദർശകരെ ഉൾക്കൊള്ളാൻ ശേഷിയുള്ള കേബിൾ.കാർ എന്നുവയും ആസ്വദിക്കാം. വിന്റർ വണ്ടർലാൻഡ്” , “റിയാദ് മൃഗശാല”, “ലിറ്റിൽ റിയാദ്”, “ദി ഗ്രോവ്സ്” , “വയാ റിയാദ്” , റിയാദ് ഫ്രണ്ട്, എന്നിവയും ആസ്വാദകർക്കായുണ്ട്.
