വിജയവാഡ
സിപിഐ 24–-ാം പാർടി കോൺഗ്രസിന് വെള്ളിയാഴ്ച ആന്ധ്രയിലെ വിജയവാഡയിൽ വൻ പ്രകടനത്തോടെ തുടക്കമാകും. പകൽ മൂന്നിന് സിങ് നഗറിലെ സി നാഗേശ്വരറാവു നഗറിൽ (എം ബി സ്റ്റേഡിയം) പൊതുസമ്മേളനം ആരംഭിക്കും. ജനറൽ സെക്രട്ടറി ഡി രാജ ഉദ്ഘാടനം ചെയ്യും.
കൊല്ലത്തുനിന്ന് പുറപ്പെട്ട പതാക ജാഥയെ സ്വീകരിക്കും. മുതിർന്ന നേതാവ് നല്ലകണ്ണ് ദേശീയ പാതകയും മുൻ ജനറൽ സെക്രട്ടറി സുധാകർ റെഡ്ഡി പാർടി പതാകയും ഉയർത്തും. 15ന് സമ്മേളനത്തെ സിപിഐ എം ജനറൽ സെക്രട്ടറി സീതാറാം യെച്ചൂരി അഭിവാദ്യം ചെയ്യും. സമ്മേളനം 18ന് സമാപിക്കും.
