ദമ്മാം> പക്ഷാഘാതം നേരിട്ട് കഴിഞ്ഞ ഒരു മാസമായി ദമ്മാം അൽമന ഹോസ്പിറ്റലിൽ ചികിൽസയിലുള്ള നവോദയ സെക്കൻഡ് സനയ്യ സൗത്ത് യൂണിറ്റ് അംഗമായ സജീവ് ഗോപിയെ തുടർ ചികിത്സക്കായ് നവോദയ സാമൂഹ്യക്ഷേമ വിഭാഗത്തിന്റെ സഹായത്തോടെ നാട്ടിലെത്തിച്ചു. കഴിഞ്ഞ ദിവസം പുലർച്ചെ പുറപ്പെട്ട ഏയർ ഇന്ത്യ എക്സ്പ്രസ്സ് വിമാനത്തിൽ ആണ് നാട്ടിലേക്ക് വന്നത്.
സജീവിനെ നവോദയ സാമൂഹ്യ ക്ഷേമ വിഭാഗം നേതാക്കളായ അഷറഫ് സെക്കൻഡ് സനയ്യ, മൊയ്തീൻ ഷിഹാത്ത് എന്നിവരും, നവോദ സാമൂഹ്യക്ഷേമ വിഭാഗം കേന്ദ്ര കോർഡിനേറ്റർ രഞ്ജിത് വടകരയും സന്ദർശിച്ചിരുന്നു.
നവോദയ സെക്കൻഡ് സനയ്യ സൗത്ത് യൂണിറ്റ് സ്വരൂപിച്ച ചിക്തസ സഹായം താമസ സ്ഥലത്ത് വച്ച് സെക്കൻഡ് സനയ്യ ഏരിയ സാമൂഹ്യ ക്ഷേമവിഭാഗം ചെയർമാൻ അഷറഫ്, യൂണിറ്റ് ട്രഷറർ സമദ്, ജോ: സെക്രട്ടറി സമീർ എന്നിവർ ചേർന്ന് കൈമാറി.
തുടർ ചികിത്സക്കായ് നാട്ടിലേക്ക് പോകണമെന്ന സജീവിന്റെ അഭ്യർത്ഥനയെ തുടർന്ന് നവോദയ സാമൂഹ്യ ക്ഷേമവിഭാഗം കേന്ദ്ര കമ്മറ്റി അംഗവും ടൊയൊട്ട ഏരിയ കൺവീനറുമായ സി.വി.പോളിന്റെ നേതൃത്വത്തിലാണ് ആവശ്യമായ യാത്രാരേഖകളൾ ശരിയാക്കിയത്.
