സൗദി എയർ കാരിയറും മിഡിൽ ഈസ്റ്റിലെ പ്രമുഖ സാമ്പത്തിക എയർലൈനുമായ ഫ്ലൈനാസ് സൗദി സാംസ്കാരിക മന്ത്രാലയവും പാചക കല അതോറിറ്റിയും സംയുക്തമായി സഹകരിച്ചു കൊണ്ട് സൗദി കോഫി 2022 എന്ന സംരംഭത്തിന്റെ വിഷ്വൽ ഐഡന്റിറ്റി കൊണ്ട് തങ്ങളുടെ വിമാനങ്ങളെ അലങ്കരിച്ചിരിക്കുന്നു. സൗദി കാപ്പിയെ രാജ്യത്തിന്റെ ആധികാരിക സാംസ്കാരിക പ്രതീകമായി ആഘോഷിക്കുന്ന സംരംഭത്തിന്റെ പ്രവർത്തനങ്ങളോടുള്ള സഹകരണത്തിനെ ഭാഗമായി ബോർഡിംഗ് പാസുകളുടെ രൂപകൽപ്പനയും യാത്രക്കാരുടെ രജിസ്ട്രേഷനുള്ള സൈനേജും ഉൾപ്പെടുന്നു.
സഊദി ഖൗലാനി കോഫി ട്രീ വിത്തിൽ നിന്ന് മരത്തിലേക്കും കാപ്പി പഴങ്ങളിലേക്കുമുള്ള വളർച്ചയുടെ ഘട്ടങ്ങളുമായി സംരംഭത്തിന്റെ ഐഡന്റിറ്റിയും കമ്പനിയുടെ നിറങ്ങളും സംയോജിപ്പിച്ചാണ് വിമാനത്തിന്റെ ഡിസൈൻ തയ്യാറാക്കിയിട്ടുള്ളത്. പിന്നീട് സൗദി പാത്രത്തിൽ കാപ്പി തയ്യാറാക്കി സൗദി കോഫി കപ്പിൽ“ഫ്ലൈനാസിൽ വിളമ്പുകയും ചെയ്യും. ഈ രൂപത്തിൽ തയ്യാറാക്കിയ A320neo വിമാനം ഫ്രഞ്ച് നഗരമായ ടൗലൂസിൽ നിന്ന് പറന്നു ഈജിപ്തിനു പുറമേ സ്വിറ്റ്സർലൻഡ്, ഓസ്ട്രിയ, ഇറ്റലി, ബോസ്നിയ, അൽബേനിയ, ഗ്രീസ് എന്നിവയിലൂടെ കടന്നു ജിദ്ദയിലേക്കുള്ള യാത്ര ആരംഭിച്ചു,
2022 അവസാനം വരെ സൗദി കാപ്പി വർഷത്തിന്റെ ഐഡന്റിറ്റിയുള്ള കപ്പുകളിൽ കമ്പനിയുടെ വിമാനങ്ങളിലെ അതിഥികൾക്ക് സൗജന്യ സൗദി കോഫി നൽകുന്നതിനൊപ്പം എയർപോർട്ടുകളിൽ ഫ്ലൈനാസ് ബോർഡിംഗ് പാസുകളും ഡിസൈനുകളുള്ള പാസഞ്ചർ രജിസ്ട്രേഷൻ ബാനറുകളും ഇതിലുണ്ടാകും. പ്രാദേശികമായും അന്തർദേശീയമായും, സൗദി സംസ്കാരത്തിന്റെ പ്രതീകമായും ആധികാരിക പൈതൃകമായും ഉള്ള സൗദി കാപ്പിയുടെ പദവി ഉയർത്താനുള്ള ശ്രമങ്ങളുടെ ഭാഗമായാണ് ഈ പദ്ധതി.
സൗദി കാപ്പി വർഷം ആഘോഷിക്കുന്നതിൽ സാംസ്കാരിക മന്ത്രാലയവുമായി സഹകരിക്കുന്നത് ആധികാരിക പൈതൃകവും സൗദി സംസ്കാരത്തിന്റെ പ്രതീകവും ലോകത്തിന് മുന്നിൽ അവതരിപ്പിക്കാനുള്ള വിലപ്പെട്ട അവസരമാണെന്ന് ഫ്ലൈനാസ് സിഇഒ ബന്ദർ അൽ മുഹന്ന പറഞ്ഞു. ഔദാര്യവും ആതിഥ്യമര്യാദയും പോലെ കാപ്പിയുമായി ബന്ധപ്പെട്ട രാജ്യത്തിന്റെ പാരമ്പര്യങ്ങളും ആചാരങ്ങളും, രാജ്യത്തിന്റെ വിഷൻ 2030 ന്റെ ലക്ഷ്യങ്ങൾക്ക് അനുസൃതമായി അതിന്റെ വിവിധ പ്രദേശങ്ങളിലെ മനോഹരമായ വിനോദസഞ്ചാര കേന്ദ്രങ്ങൾ അവതരിപ്പിക്കുന്നതിന് സംഭാവന നൽകുന്ന രാജ്യത്തിന്റെ മഹത്തായ സാംസ്കാരിക വൈവിധ്യം കാണിക്കുന്ന സിവിൽ ഏവിയേഷൻ തന്ത്രത്തിന്റെ ഭാഗം കൂടിയാണിത്.
“രാജ്യത്തിന്റെ വിഷൻ 2030 കൈവരിക്കുന്നതിനുള്ള പ്രോഗ്രാമുകളിലൊന്നായ” ക്വാളിറ്റി ഓഫ് ലൈഫ് പ്രോഗ്രാമിന്റെ പിന്തുണയോടെ ഈ വർഷത്തിന്റെ തുടക്കത്തിൽ സാംസ്കാരിക മന്ത്രാലയം ആരംഭിച്ച “സൗദി കോഫി ഇയർ 2022” സംരംഭത്തിന്റെ പ്രവർത്തനങ്ങളിലും ഇവന്റുകളിലും ഈ സഹകരണം ഉണ്ടാകും.
സൗദി സമൂഹത്തിലെ സൗദി കാപ്പിയുടെ പ്രത്യേകതയെ അടിസ്ഥാനമാക്കി അതിന്റെ ഉൽപ്പാദനത്തിന്റെ എല്ലാ ഘട്ടങ്ങളിലും പ്രാദേശികമായും അന്തർദ്ദേശീയമായും വിപണനം ചെയ്യുക; മറ്റൊരു രാജ്യത്തും ഒരേ രീതിയിൽ ലഭ്യമല്ലാത്ത കൃഷി, തയ്യാറെടുപ്പ്, അവതരണം എന്നിവയിലൂടെ രാജ്യത്തിന്റെ വ്യതിരിക്തമായ ഒരു സാംസ്കാരിക ഉൽപന്നമായി ഇതിനെ ആഘോഷിക്കാനും അവതരിപ്പിക്കാനും കൂടിയാണ് ഈ പദ്ധതി.
