കുവൈറ്റ് സിറ്റി> കേരള ആര്ട്ട് ലവേഴ്സ് അസോസിയേഷന്, കല കുവൈറ്റ് സാമൂഹ്യ വിഭാഗത്തിന്റെ നേതൃത്വത്തില് മെഡെക്സ് മെഡിക്കല് കെയറുമായി സഹകരിച്ച് സൗജന്യ മെഡിക്കല് ക്യാമ്പ് സംഘടിപ്പിച്ചു. മെഡെക്സ് മെഡിക്കല് കെയറില് വെച്ച് നടന്ന മെഡിക്കല് ക്യാമ്പ് കല കുവൈറ്റ് ജനറല് സെക്രട്ടറി ജെ സജി ഉദ്ഘാടനം ചെയ്തു.
മെഡെക്സ് മെഡിക്കല് കെയര് പ്രിവിലേജ് കാര്ഡ് ജനറല് മാനേജര് ഇംതിയാസ് കല കുവൈറ്റ് ആക്ടിങ് പ്രസിഡന്റ് ഷൈമേഷിന് കൈമാറി. ഓപ്പറേഷന് മാനേജര് ജുനൈസ്, മെഡിക്കല് ഡയറക്ടര് ഡോക്ടര് അഹമ്മദ് ഹംദി, കല കുവൈറ്റ് ജോയിന്റ് സെക്രട്ടറി ജിതിന് പ്രകാശ്, സാമൂഹിക വിഭാഗം സെക്രട്ടറി ജ്യോതിഷ് പിജി, ഫഹാഹീല് മേഖല സെക്രട്ടറി സജീവ് എബ്രഹാം എന്നിവര് ചടങ്ങില് സന്നിഹിതരായിരുന്നു.
രാവിലെ 7 മണി മുതല് 5 മണി വരെ നടന്ന പരിപാടിയില് 500 ഓളം പേര് മെഡിക്കല് ക്യാമ്പില് പങ്കെടുത്തു
