കുവൈറ്റ് സിറ്റി> കുവൈറ്റിലെ പ്രധാന വനിതാസംഘടനയായ വനിതാവേദി കുവൈറ്റ് സാര്വദേശീയ വനിതാ ദിനാഘോഷത്തോടനുബന്ധിച്ചു കുവൈറ്റിലെ പ്രവാസി പൊതുസമൂഹത്തിലെ മലയാളി വനിതകള്ക്കായി നടത്തിയ വിവിധ മത്സരങ്ങളുടെ സമ്മാനവിതരണവും ഉപരിപഠനാര്ഥം നാട്ടിലേക്ക് പോകുന്ന വനിതാവേദി കുവൈറ്റ് അംഗങ്ങളുടെ കുട്ടികള്ക്കുള്ള മെമെന്റോ വിതരണവും അബ്ബാസിയ കലസെന്ററില് വച്ചുനടത്തി.
ഫാന്സിഡ്രസ്സ് മത്സരത്തില് ഒന്നാം സമ്മാനം ജോയ്സ് മെറീന ജോണ് ,രണ്ടാം സമ്മാനം ഷംന ജി രാജേഷ്,മൂന്നാം സ്ഥാനം ഹിമ ശ്രീകാന്ത് എന്നിവര് ഏറ്റുവാങ്ങി. പ്രസംഗ മത്സരത്തില് ലിജ ചാക്കോ ഒന്നാം സമ്മാനവും, ജോയ്സ് മെറീന ജോണ് രണ്ടാം സമ്മാനവും,ലിന്സി ജോര്ജ് മൂന്നാം സമ്മാനവും ഏറ്റുവാങ്ങി. ഹ്രസ്വചിത്രമത്സരത്തില് ഒന്നാം സമ്മാനം രമ്യ സതീഷ്, രണ്ടാം സമ്മാനം ഉഷാരാമന് മൂന്നാം സമ്മാനം ലിജ ചാക്കോ എന്നിവര് ഏറ്റുവാങ്ങി.
ലോക കേരള സഭാംഗം ആര് നാഗനാഥന്, കലാകുവൈറ്റ് സെക്രട്ടറി ജെ.സജി വനിതാവേദി കുവൈറ്റ് കേന്ദ്ര കമ്മിറ്റി അംഗങ്ങള് എന്നിവര് ചേര്ന്ന് സമ്മാന വിതരണം നിര്വഹിച്ചു.
