ന്യൂഡൽഹി> രാജ്യത്തേയ്ക്കും രാജ്യത്തുനിന്നുമുള്ള രാജ്യാന്തര വിമാനസർവീസ് മാർച്ച് 27 മുതൽ സാധാരണ നിലയിലാകും. കോവിഡ് വ്യാപനത്തെതുടർന്ന് സിവിൽ വ്യോമയാന ഡയറക്ടർ ജനറലിന്റെ ഉത്തരവുപ്രകാരം 2020 മാർച്ച് 23 മുതൽ പതിവ് വിമാനസർവീസുകൾ നിർത്തിവച്ചിരിക്കയാണ്.
ലോകമെമ്പാടും കോവിഡ് വാക്സിനേഷൻ വ്യാപകമായി നടന്ന സാഹചര്യത്തിൽ വരുന്ന 26നു അർധരാത്രിക്കുശേഷം വാണിജ്യവിമാനസർവീസുകൾ പുനരാരംഭിക്കാൻ തീരുമാനിച്ചതായി കേന്ദ്രസർക്കാർ അറിയിച്ചു. ആരോഗ്യമന്ത്രാലയത്തിന്റെ മാനദണ്ഡങ്ങൾ പാലിച്ചായിരിക്കും സർവീസുകൾ.
