ന്യൂഡൽഹി
ഇക്കൊല്ലം ഒന്നരമാസം പിന്നിട്ടപ്പോൾ തന്നെ രാജ്യത്ത് ക്രൈസ്തവർക്കുനേരെ 53 ആക്രമണസംഭവം ഉണ്ടായെന്ന് യുണൈറ്റഡ് ക്രിസ്ത്യൻ ഫോറം. ജനുവരിയിൽ 40ഉം ഫെബ്രുവരിയിൽ 13ഉം ആക്രമണങ്ങളാണുണ്ടായത്. ചത്തീസ്ഗഢ്–-12, തമിഴ്നാട്–-10, മധ്യപ്രദേശ്–-എട്ട്, ഉത്തർപ്രദേശ്–-ഏഴ് എന്നിവിടങ്ങളിലാണ് ഏറ്റവും കൂടുതൽ ആക്രമണസംഭവങ്ങൾ. 2021ൽ 503 ആക്രമണമാണ് റിപ്പോർട്ട് ചെയ്തത്.യുണൈറ്റഡ് ക്രിസ്ത്യൻ ഫോറം 2015ൽ സ്ഥാപിച്ച ഹെൽപ് ലൈൻ നമ്പരിൽ വരുന്ന സഹായഅഭ്യർഥനകൾ പരിഗണിച്ചാണ് ഈ കണക്ക്. ക്രൈസ്തവർക്ക് ഭരണഘടനാപരമായ സംരക്ഷണം ഉറപ്പാക്കണമെന്ന് ഫോറം ആവശ്യപ്പെട്ടു.
