ചെന്നൈ
സമുദ്രാതിർത്തി ലംഘിച്ചെന്നാരോപിച്ച് 12 ഇന്ത്യൻ മത്സ്യത്തൊഴിലാളികളെ ശ്രീലങ്കൻ നാവികസേന അറസ്റ്റ് ചെയ്തു. ഇവർ സഞ്ചരിച്ചിരുന്ന ബോട്ടും പിടിച്ചെടുത്തായി നാവികസേന ഔദ്യോഗിക പ്രസ്താവനയിൽ അറിയിച്ചു.
തലൈമന്നാറിന് വടക്ക് കടലിൽ നിന്നാണ് ഇവരെ കസ്റ്റഡിയിലെടുത്തത്. ഈ മാസം ഇത് മൂന്നാം തവണയാണ് ശ്രീലങ്കൻ കടലിൽ ഇന്ത്യൻ മത്സ്യത്തൊഴിലാളികൾ അറസ്റ്റിലാകുന്നത്. ശ്രീലങ്കൻ നാവികസേന പാക്ക് കടലിടുക്കിൽ ഇന്ത്യൻ മത്സ്യത്തൊഴിലാളികൾക്കുനേരെ വെടിയുതിർക്കുകയും ബോട്ടുകൾ പിടിച്ചെടുക്കുകയും ചെയ്ത നിരവധി സംഭവങ്ങൾ നേരത്തേയും ഉണ്ടായിട്ടുണ്ട്.
