പ്രമുഖ വ്യവസായി രാഹുൽ ബജാജ് അന്തരിച്ചു

ന്യൂഡൽഹി > പ്രമുഖ വ്യവസായിയും വാഹന നിർമാതാക്കളായ ബജാജ് ഗ്രൂപ്പിന്റെ മുൻ ചെയർമാനുമായിരുന്ന രാഹുൽ ബജാജ് (83) അന്തരിച്ചു. അർബുദബാധയെ തുടർന്ന് പൂനെയിൽ ചികിത്സയിലായിരുന്നു. 1965ൽ ബജാജ് ഗ്രൂപ്പിന്റെ തലപ്പത്ത് എത്തിയ അദ്ദേഹമാണ് കമ്പനിയുടെ വൈവിധ്യവൽക്കരണത്തിൽ നിർണായക പങ്കുവഹിച്ചത്. 1986ൽ ഇന്ത്യൻ എയൽലൈൻസ് ചെയർമാന് പദവിയും വഹിച്ചു. 2001ൽ രാജ്യം പത്മഭൂഷൻ നൽകി അദ്ദേഹത്തെ ആദരിച്ചു. 2006 മുതൽ 2010 വരെ രാജ്യസഭാംഗമായിരുന്നു.