ലഖ്നൗ > യുപി രണ്ടാംഘട്ട തെരഞ്ഞെടുപ്പിൽ കോൺഗ്രസ് സ്ഥാനാർഥി നവാബ് അലി ഖാന്റെ ആസ്തി 296 കോടി. രണ്ടാം സ്ഥാനത്ത് സമാജ്വാദി പാർടിയുടെ സുപ്രിയ ആരോൺ ആണ്, 157 കോടി. ബിജെപിയുടെ ദേവേന്ദ്ര നാഗ്പാലിന് 140 കോടി ആസ്തി. ഏറ്റവും കുറവ് ആസ്തി ഷാജഹാൻപൂരിലെ സ്വതന്ത്ര സ്ഥാനാർഥി സഞ്ജയ് കുമാറിന്, 6700 രൂപ. 14ന് ആണ് 55 മണ്ഡലത്തിൽ രണ്ടാംഘട്ട തെരഞ്ഞെടുപ്പ്.
ബിജെപി എംഎല്എ പാര്ടി മാറി
ഉത്തര്പ്രദേശ് തെരഞ്ഞെടുപ്പില് സീറ്റ് കിട്ടാത്ത ബിജെപി എംഎല്എ വികാശീല് ഇന്സാന് പാര്ടിയില് ചേര്ന്നു. ഭൈരിയ എംഎല്എയായിരുന്ന സുരേന്ദ്ര സിങ്ങാണ് വ്യാഴാഴ്ച ബിജെപിയില്നിന്ന് രാജിവച്ചത്. ഭൈരിയയിലെ വികാശീല് ഇന്സാന് പാര്ടിയെ പ്രതിനിധീകരിച്ച് സുരേന്ദ്ര സിങ് മത്സരിക്കും.
