ദുബായ്> മലയാളം മിഷൻ ആഗോളതലത്തിൽ സംഘടിപ്പിക്കുന്ന ‘സുഗതാഞ്ജലി’ 2022 കാവ്യാലാപനമത്സരത്തിന് മുന്നോടിയായി ദുബായ് ചാപ്റ്റർ തല മത്സരങ്ങൾ പൂർത്തിയാക്കി. സാക്ഷരതാമിഷൻ ഡയറക്റ്റർ ഡോക്ടർ. പി എസ് ശ്രീകല ഉദ്ഘാടനം ചെയ്തു. ദുബായ് ചാപ്റ്റർ ചെയർമാൻ ദിലീപ് സി എൻ എൻ അധ്യക്ഷനായി.
ദുബായിലെ 6 മേഖലകളിലെ വിവിധ പഠനകേന്ദ്രങ്ങളിൽ നിന്നായി 60 ഓളം കുട്ടികൾ മത്സരത്തിൽ പങ്കെടുത്തു. യു എ. ഇ സാഹിത്യരംഗത്തെ പ്രമുഖരായ മുരളി മംഗലത്ത്, റസീന ഹസ്സൻ, അനീഷ പി, എം ഓ രഘുനാഥ്, ജമാൽ മൂക്കുതല, ലസിത സംഗീത് എന്നിവർ വിധികർത്താക്കളായി. ലോക കേരളസഭാംഗം എൻ കെ കുഞ്ഞുമുഹമ്മദ്, മുൻ കൺവീനർ പി ശ്രീകല എന്നിവർ സംസാരിച്ചു.
ചാപ്റ്റർ ജോയിന്റ് കൺവീനർ മാരായ റിംന, ജ്യോതി, ഐ റ്റി കോർഡിനേറ്റർ ഫിറോസിയ എന്നിവരുടെ നേതൃത്വത്തിൽ സംഘടിപ്പിച്ച പരിപാടിയിൽ ചാപ്റ്റർ പ്രസിഡന്റ് സോണിയ ഷിനോയ്, സെക്രട്ടറി പ്രദീപ് തോപ്പിൽ എന്നിവരും പങ്കെടുത്തു. ജോയിന്റ് സെക്രട്ടറി അംബുജം സതീഷ് നന്ദി പറഞ്ഞു.
