ഒരു കൂട്ടം പുതിയ ഇമോജികൾ ആപ്പിൾ പുറത്തുവിട്ടു. ഗർഭമുള്ള പുരുഷൻ ഉൾപ്പടെ 37 പുതിയ ഇമോജികളാണ് അവതരിപ്പിച്ചത്. സല്യൂട്ട്, കമഴ്ത്തി വെച്ച കൈപ്പത്തി, മലർത്തി വെച്ച കൈപ്പത്തി, തള്ളവിരലും ചൂണ്ടുവിരലും ചേർത്തുള്ള ഇമോജി, ചൂണ്ടിക്കാണിക്കൽ, ചുണ്ടു കടിക്കൽ തുടങ്ങിയ പ്രവൃത്തികളെ സൂചിപ്പിക്കുന്ന ഇമോജികൾ എന്നിവ ഇതിലുണ്ട്.
ഗർഭമുള്ള വ്യക്തി എന്ന ആശയത്തിൽ ലിംഗ തുല്യത കൊണ്ടുവരുന്നതിനാണ് ഗർഭിണിയ്ക്കൊപ്പം ഗർഭമുള്ള പുരുഷന്റെ ഇമോജിയും ഉൾപ്പെടുത്തിയിരിക്കുന്നത്. ഇത് ഇതിനോടകം സോഷ്യൽ മീഡിയയിൽ ചർച്ചയായിട്ടുണ്ട്.
New emojis in iOS 15.4 beta
&mdash Emojipedia (@Emojipedia)
കൂടാതെ മുട്ടയുള്ളതും ഇല്ലാത്തതുമായ പക്ഷിക്കൂട്, എക്സ് റേ, കളിസ്ഥലത്തെ സ്ലൈഡ്, മിറർ ബോൾ, ജാർ, തിരിച്ചറിയൽ കാർഡ്, പഴിവപ്പുറ്റ്, താമര, കുമിളകൾ, ബാറ്ററി ലോ, ടയർ, വിവിധ തൊലിനിറങ്ങളിലുള്ള കൈപ്പത്തികൾ കൊണ്ടുള്ള ഹാൻഡ് ഷേക്ക് എന്നിവയും പുതിയ ഇമോജികളുടെ കൂട്ടത്തിലുണ്ട്.
Content Highlights: iOS 15.4 Adds New Emoji Like Melting Face, Biting Lip, Heart Hands
