ലഖ്നൗ> നിയമസഭാ തിരഞ്ഞെടുപ്പിന് ആഴ്ചകൾ മാത്രം ബാക്കി നിൽക്കെ ഉത്തർപ്രദേശിൽ കോൺഗ്രസിന് കനത്ത തിരിച്ചടി. കോൺഗ്രസ് മുൻ സംസ്ഥാന അധ്യക്ഷനും തിരഞ്ഞെടുപ്പിലെ താരപ്രചാരകനുമായ രാജ് ബബ്ബാർ സമാജ് വാദി പാർട്ടിയിലേക്ക് ചേരാനുള്ള തയ്യാറെടുപ്പിലാണെന്നാണ് റിപ്പോർട്ട്. എസ്പി അധ്യക്ഷൻ അഖിലേഷ് യാദവുമായി രാജ് ബബ്ബാർ ചർച്ച നടത്തിയെന്നാണ് വിവരം.
തിങ്കളാഴ്ച കോൺഗ്രസ് പ്രഖ്യാപിച്ച 30 അംഗ താരപ്രചാരകരുടെ പട്ടികയിൽ പ്രമുഖനാണ് രാജ് ബബ്ബാർ. നേരത്തെ താരപ്രചാരക പട്ടികയിൽ ഉണ്ടായിരുന്ന മുതിര്ന്ന നേതാവും മുന് കേന്ദ്ര മന്ത്രിയുമായ ആര്പിഎന് സിങ് കോണ്ഗ്രസ് വിട്ട് ബിജെപിയില് ചേര്ന്നിരുന്നു. ഇതോടെ കോൺഗ്രസിൽ പ്രതിസന്ധി രൂക്ഷമായി.
