ന്യൂഡൽഹി
ഉത്തരാഖണ്ഡിൽ മുൻമുഖ്യമന്ത്രി ബി സി ഖണ്ഡൂരിയുടെ മകൾ റിതു ഭൂഷൺ ഖണ്ഡൂരിക്ക് കോത്ദ്വാർ മണ്ഡലത്തിൽ ബിജെപി സീറ്റ് നൽകി. യംകേശ്വറിലെ സിറ്റിങ് എംഎൽഎയായ റിതുവിന് ആദ്യം സീറ്റ് നിഷേധിച്ചിരുന്നു.. റിതു പാർടി വിടുമെന്ന ഘട്ടത്തിലാണ് കോത്ദ്വാറില് പ്രഖ്യാപിച്ച രേണു ബിഷ്തിനെ ഒഴിവാക്കി സീറ്റ് നൽകിയത്.
സിദ്ദുവിനെതിരെ *ബിക്രം മജീദിയ
പഞ്ചാബിൽ 56 സീറ്റിൽ ബിജെപി സ്ഥാനാർഥികളെ പ്രഖ്യാപിച്ചു. ദുരിയിൽ എഎപിയുടെ മുഖ്യമന്ത്രി സ്ഥാനാർഥി ഭഗ്വന്ത് മാനിനെതിരായി രൺദീപ് സിങ് ദിയോൾ മത്സരിക്കും.
അമൃത്സർ ഈസ്റ്റില് പിസിസി അധ്യക്ഷൻ നവ്ജ്യോത് സിങ് സിദ്ദുവിനെതിരെ അകാലിദൾ നേതാവ് ബിക്രം മജീദിയ മത്സരിക്കും.
അടുത്തിടെ പൊലീസെടുത്ത മയക്കുമരുന്നു കേസിൽ അറസ്റ്റ് ഭീഷണിയിലാണ് മജീദിയ. മുൻ ഉപമുഖ്യമന്ത്രി സുഖ്ബീർ സിങ് ബാദലിന്റെ ഭാര്യാസഹോദരനാണ്.a
