ഭിവാനി > ഹരിയാനയിലെ ഭിവാനി ജില്ലയിലെ ക്വാറിയില് ശനിയാഴ്ച ഉണ്ടായ മണ്ണിടിച്ചിലിൽ നാലു പേർ മരിച്ചു. നിരവധിപേർ ക്വാറിക്കുള്ളിൽ കുടുങ്ങിക്കിടക്കുന്നതായാണ് വിവരം. ദാദം മേഖലയിൽ രാവിലെ ഒമ്പതോടെയാണ് സംഭവം. പ്രദേശത്ത് രക്ഷാപ്രവത്തനം രാത്രി വൈകിയും നടത്തി.
നാലോ അഞ്ചോ പേർ ഇനിയും കുടുങ്ങിക്കിടക്കുന്നുണ്ടെന്ന് പൊലീസ് പറഞ്ഞു. എന്നാൽ, അതിൽ കൂടുതൽ പേർ അകപ്പെട്ടിട്ടുണ്ടെന്ന് നാട്ടുകാർ പറയുന്നു. ആറ് ട്രക്കും ഖനനത്തിനുള്ള നിരവധി യന്ത്രങ്ങളും മണ്ണിനടിയിലായി. ഹരിയാനയിലെ ദാദം മേഖലയിൽ വ്യാപകമായി അനധികൃത ഖനനം നടക്കുന്നുണ്ട്.
