സെമി തേടി കേരളം ; വിജയ്‌ ഹസാരെ ട്രോഫിയിൽ സർവീസസിനോട്‌

വിജയ് ഹസാരെ ഏകദിന ക്രിക്കറ്റ് ട്രോഫിയിൽ സെമി ലക്ഷ്യമിട്ട് കേരളം ഇന്നിറങ്ങും. ക്വാർട്ടറിൽ സർവീസസിനെ നേരിടും. രാവിലെ ഒമ്പതിനാണ് മത്സരം. സ്റ്റാർ സ്പോർട്സിലും ഹോട്സ്റ്റാറിലും കാണാം. ഗ്രൂപ്പ് ഡിയിൽ ചാമ്പ്യൻമാരായാണ് സഞ്ജു സാംസൺ നയിക്കുന്ന കേരളം ക്വാർട്ടറിൽ കടന്നത്. ഇത് മൂന്നാംവട്ടമാണ് ടൂർണമെന്റിന്റെ നോക്കൗട്ടിൽ എത്തുന്നത്. മറ്റൊരു ക്വാർട്ടറിൽ സൗരാഷ്ട്ര വിദർഭയെ നേരിടും.
കർണാടകത്തെ 151 റണ്ണിന് തകർത്ത് തമിഴ്നാട് സെമിയിൽ എത്തി. ഉത്തർപ്രദേശിനെ അഞ്ച് വിക്കറ്റിന് വീഴ്ത്തി ഹിമാചൽപ്രദേശും അവസാന നാലിലേക്ക് മുന്നേറി.