ദുബായ്> യു എ ഇ യുടെ 50 മത് ദേശീയ ദിനാഘോഷത്തിൻ്റെ ഭാഗമായി കൈരളി കൾച്ചറൽ അസോസിയേഷൻ ഫുജൈറ കേരളോത്സവം 2021 സംഘടിപ്പിക്കുന്നു. ഡിസംബർ 17 ന് ഫുജൈറ മീഡിയ പാർക്കിലാണ് നടത്തുന്നത്.
കേരളീയ ഗ്രാമോത്സവങ്ങളുടെ ദൃശ്യചാരുത ചോരാതെ വർണ്ണാഭമായ കലാപരിപാടികളോടെ സംഘടിപ്പിക്കുന്ന കേരളോത്സവത്തിൽ ഘോഷയാത്ര, ശിങ്കാരിമേളം, തിരുവാതിര, അറബിക് നൃത്തം .ശാസ്ത്രീയ നൃത്തങ്ങൾ, സംഘ നൃത്തങ്ങൾ ,ഒപ്പന ,ഗാനമേള ,സാംസ്കാരിക സമ്മേളനം എന്നിവ അരങ്ങേറും. പുസ്തക ശാലയും കൈരളി കുടുംബാംഗങ്ങൾ ഒരുക്കുന്ന രുചികരമായ നാടൻ വിഭവങ്ങളുടെ സ്റ്റാളുകളും കേരളോത്സവത്തിൻ്റെ പ്രത്യേകതയാണ്.
കേരളോത്സവത്തിൻ്റെ വിജയകരമായ നടത്തിപ്പിന് മോയിൻ ഓലിക്കൽ ചെയർമാനും പ്രേംജിത് പരവൂർ ജനറൽ കൺവീനറുമായ സ്വാഗത സംഘം പ്രവർത്തിച്ചുവരുന്നു. കേരളത്തിൽ നിന്നും ഉള്ള വിശിഷ്ട അതിഥിയായി നിലംബൂർ എം എൽ എ പി വി അൻവർ പങ്കെടുക്കും. കേരളോത്സവത്തിലേക് എല്ലാവരെയും സ്വാഗതം ചെയ്യുന്നതായി കൈരളി ഫുജൈറ യൂണിറ്റ് ഭാരവാഹികളായ ഉസ്മാൻ മാങ്ങാട്ടിൽ, മിജിൻ ചുഴലി എന്നിവർ അറിയിച്ചു. വിശദവിവരങ്ങൾക്ക് 056 6205630 എന്ന നമ്പറിൽ ബന്ധപ്പെടേണ്ടതാണ്.
