സമീക്ഷ യു.കെയുടെ ദേശീയ സമ്മേളനത്തിന്റെ മുന്നോടിയായി സാലിസ്ബറി ബ്രാഞ്ച് സമ്മേളനം സ്ട്രാറ്ഫോഡ് സബ് കാസ്റ്റിൽ വില്ലേജ് ഹാളിൽ നടന്നു. നാഷണൽ സെക്രട്ടറി ദിനേശ് വെള്ളാപ്പള്ളി ഉദ്ഘാടനം ചെയ്തു. പ്രസിഡന്റ് രാജേഷ് സുധാകർ അധ്യക്ഷനായി. സെക്രട്ടറി ജിജുനായർ റിപ്പോർട്ടും, നിതിൻ ചാക്കോ അനുശോചന പ്രമേയവും, കണക്കുകൾ ട്രഷറർ ശ്യാംമോഹനും അവതരിപ്പിച്ചു.
സമീക്ഷ യു.കെയുടെ കഴിഞ്ഞ ഒരുവർഷത്തെ പ്രവർത്തനങ്ങൾ ദിനേശ് വെള്ളാപ്പള്ളി യോഗത്തിൽ വിശദീകരിച്ചു. അടുത്ത രണ്ട് വർഷത്തെക്കുള്ള പുതിയ ഭരണ സമിതിയെ ഏകകണ്ഠേന തെരഞ്ഞെടുത്തു. സിജിൻ ജോൺ -(പ്രസിഡന്റ്), ശ്യാംമോഹൻ (സെക്രട്ടറി), ആൽഫ്രഡ് കെ തോമസ് (വൈസ് പ്രസിഡന്റ്), ജെറിൻ (ജോയിന്റ് സെക്രട്ടറി), വറീത് കരോൾ (ട്രഷറർ) എന്നിവരാണ് ഭാരവാഹികൾ.
ഇരുപത്തഞ്ചോളം പേർ സമ്മേളനത്തിൽ പങ്കെടുത്തു. സമീക്ഷ യു.കെയുടെ മുന്നോട്ടുള്ള പ്രവർത്തനങ്ങൾക്കും വരാൻ പോകുന്ന ദേശീയ സമ്മേളനത്തിനും യോഗം പൂർണ്ണ പിന്തുണ അറിയിച്ചു.
സമീക്ഷ യു.കെയുടെ അഞ്ചാമത് ദേശീയ സമ്മേളനത്തിന് മുന്നോടിയായി നടക്കുന്ന ബ്രാഞ്ച് സമ്മേളനങ്ങൾ അവസാനഘട്ടത്തിലേക്ക് കടന്നു. ഈ മാസം അവസാനത്തോടെ ബ്രാഞ്ച് സമ്മേളനങ്ങൾ സമാപിക്കും. ദേശീയ സമ്മേളനം 2022 ജനുവരി 22ന് കൊവെൻട്രയിൽ വെച്ച് നടക്കും. സമ്മേളനത്തിന്റെ സുഗമമായ നടത്തിപ്പിന് വിവിധ കമ്മറ്റികൾ രൂപികരിച്ചുകൊണ്ട് പ്രവർത്തനങ്ങൾ തുടങ്ങി കഴിഞ്ഞു. യുകെ യിലെ ഇടതുപക്ഷത്തിന്റെയും പുരോഗമന ആശയഗതി ഉൾകൊള്ളൂന്നവരുടെയും ശക്തിതെളിയിക്കുന്ന ഒന്നാകും അഞ്ചാം ദേശീയ സമ്മേളനം. കഴിഞ്ഞ കാലഘട്ടങ്ങളിൽ നിന്നും വ്യത്യസ്തമായി യുകെ മലയാളികൾക്കിടയിൽ ഇടതുപക്ഷത്തിനൊപ്പം നിൽ ക്കുന്നവരുടെ ഒരു വലിയ മുന്നേറ്റം നടത്താൻ സമീക്ഷ യുകെക്ക് ഇതിനകം കഴിഞ്ഞിട്ടുണ്ട്.
