കവി കെ ജി സൂരജിന്റെ ചിന്ത പബ്ലിഷേഴ്സ് പ്രസിദ്ധീകരിച്ച കവിതാ സമാഹാരം ‘ഇലയുടെ ദേശാടനം’ ഷാര്ജ അന്താരാഷ്ട്ര പുസ്തക മേള ചര്ച്ച ചെയ്തു. ചിന്ത സ്റ്റാളില് നടന്ന കവിതാവായനയിലും പുസ്തക ചര്ച്ചയിലും കവി എം ഒ രഘുനാഥ് അധ്യക്ഷനായി.
മലയാളം മിഷന് ദുബായ് ചാപ്റ്റര് ചെയര്മാന് ദിലീപ് സി എന് എന് സ്വാഗതം പറഞ്ഞു. സാംസ്കാരിക കൂട്ടായ്മയില് കവി പി ശിവപ്രസാദ്, മാധ്യമ പ്രവര്ത്തക – കവയത്രി സോണിയ ഷിനോയ്, കവയത്രി പി ശ്രീകല എന്നിവര് കവിതകള് അവതരിപ്പിച്ചു. താലിബ് കുഞ്ഞുമോന് (പ്രസിഡന്റ് – മാസ് – ഷാര്ജ),പ്രദീപ് തോപ്പില് (ട്രഷറര് – ഓര്മ്മ),ഹാരിസ് വെള്ളയില് ( കണ്വീനര് – സാഹിത്യ വിഭാഗം – ഓര്മ്മ),വൈ എ റഹിം (മുന് ഷാര്ജ ഇന്ത്യന് അസോസിയേഷന് പ്രസിഡന്റ് ), പുന്നക്കന് മുഹമ്മദലി ( പ്രസിഡന്റ് – ചിരന്തന ), അഫ്സല് ഇളവന, വിഷ്വല് മീഡിയ എഡിറ്റര് അമൃത എസ് കെ, റജീര് റഷീദ് എന്നിവര് സംസാരിച്ചു.
മാനവീയം തെരുവിടം ഭാരവാഹി അക്ഷയ് പാലിയക്കല് നന്ദി പറഞ്ഞു.
