സിഡ്നി: ആസ്ട്രേലിയൻ മലയാളി സംഘടനകളിൽ പ്രഥമസ്ഥാനമലങ്കരിക്കുന്ന സിഡ്നി മലയാളി അസോസിയേഷൻ 45 ആം വാർഷികമാഘോഷം വിപുല പരിപാടികളോടെ നടക്കുമെന്ന് സംഘാടകർ പ്രസ്താവിച്ചു . “സിഡ്മൽ സഫയർ നൈറ്റ്” എന്ന പേരിൽ നടക്കുന്ന അതുല്യ ഉത്സവരാവോടെയാണ് ഒരു വർഷം നീണ്ട് നിൽക്കുന്ന വാർഷികാഘോഷങ്ങൾക്ക് തുടക്കം കുറിക്കുന്നത്.
2021 ഡിസംബർ 18 ന് മാറിയോങ്ങ് കോക്കേഴ്സ് റോഡിലുള്ള ജോൺ പോൾ ഹാളിൽ നടക്കുന്ന ‘സിഡ്മൽ സഫയർ നൈറ്റിൽ’ വിവിധ കലാപരിപാടികളും കുട്ടികൾക്കായി നടത്തുന്ന പെയിന്റിങ്ങ് മത്സരവും, സിഡ്നിയിലെ പ്രമുഖ കാറ്ററിങ്ങ് സ്ഥാപനങ്ങൾ ഒരുക്കുന്ന കേരളത്തനിമയുള്ള നാടൻ തട്ടുകടകളും ആഘോഷ പരിപാടികൾക്ക് മിഴിവേകും എന്നാണ് പ്രതീക്ഷിക്കുന്നത്. 45ആം വാർഷികാഘോഷങ്ങളോടനുബന്ധിച്ച് വരും മാസങ്ങളിലായി കലാ സാഹിത്യ മൽസരങ്ങൾ സംഘടിപ്പിക്കുമെന്നും സിഡ്മൽ ഭാരവാഹികൾ അറിയിച്ചു. സിഡ്നിയിലെ മലയാളികളുടെ പ്രമുഖ കൂട്ടായ്മയായ സിഡ്‌മിൽ അസോയ്‌സിയേഷൻ ഭാരവാഹികളുമായി ബന്ധപ്പെടേണ്ട നമ്പർ : 0419 306 202 , 0414 739 887 എന്നിവയാണ്.
സിഡ്നി മലയാളീ അസോസിയേഷൻ അഥവാ സിഡ്‌മിൽ കൂട്ടായ്മയിൽ ജോയിൻ ചെയ്യാൻ താഴെയുള്ള ലിങ്കിൽ ക്ലിക്ക് ചെയ്‌താൽ മതി .
