റിയൽമി ജിടി നിയോ 2 ഇന്ത്യയിൽ വിൽപന ആരംഭിച്ചു. ഫ്ളിപ്കാർട്ട് പ്ലസ് ഉപഭോക്താക്കൾക്കാണ് ഇന്ന് ഫോൺ വാങ്ങാൻ സാധിക്കുക. മറ്റുള്ളവർക്ക് ഇന്ന് രാത്രി 12 മണിക്ക് ശേഷം ഫോൺ വാങ്ങാൻ സാധിക്കും. ക്വാൽകോം സ്നാപ്ഡ്രാഗൺ 870 പ്രൊസസറിൽ 12 ജിബി വരെ റാമും 256 ജിബി സ്റ്റോറേജുമാണ് ഫോണിനുള്ളത്. ഇ4 അമോലെഡ് ഡിസ്പ്ലേയിൽ 120 ഹെർട്സ് റിഫ്രഷ് റേറ്റുണ്ട്.
റിയൽമി ജിടി നിയോ 2 ന്റെ എട്ട് ജിബി റാം, 128 ജിബി സ്റ്റോറേജ് മോഡലിന് 31,999 രൂപയാണ് വില. 12 ജിബി റാം, 256 ജിബി സ്റ്റോറേജ് മോഡലിന് 32,999 രൂപയാണ് വില. നിയോ ബ്ലാക്ക്, നിയോ ബ്ലൂ, നിയോ ഗ്രീൻ എന്നീ മൂന്ന് നിറങ്ങളിലാണ് ഫോൺ വിപണിയിലെത്തിയിരിക്കുന്നത്.
റിയൽമിയുടെ ഔദ്യോഗിക വെബ്സൈറ്റിലും ഫ്ളിപ്കാർട്ടിലും ഫോൺ വാങ്ങാം. 1094 രൂപയിൽ തുടങ്ങുന്ന ഇ,എം,ഐ, ഓഫറുകൾ ലഭ്യമാണ്.
ആൻഡ്രോയിഡ് 11 അടിസ്ഥാനമാക്കിയുള്ള റിയൽമി യു,ഐ, 2.0 ആണ് ഫോണിൽ. 6.62 ഇഞ്ച് ഫുൾഎച്ച്ഡി പ്ലസ് സാംസങ് ഇ4 ഡിസ്പ്ലേയിൽ എച്ച്ഡിആർ 10 പിന്തുണയുണ്ട്.
12 ജിബി വരെ യാണ് റാം ശേഷി. ഫോണിന്റെ ഇൻബിൽറ്റ് സ്റ്റോറേജ് പ്രയോജനപ്പെടുത്തി ഏഴ് ജിബി വരെ വെർച്വൽ മെമ്മറി കൂട്ടിച്ചേർത്ത് ഫോണിന്റെ പ്രവർത്തന വേഗം വർധിപ്പിക്കാനാവും. 256 ജിബി വരെയുള്ള യുഎഫ്എസ് 3.1 സ്റ്റോറേജാണ് ഫോണിന്.
60 മെഗാപിക്സൽ പ്രധാന സെൻസറുള്ള ട്രിപ്പിൾ റിയർ ക്യാമറ സംവിധാനമാണിതിന്. എട്ട് ജിബി അൾട്രാവൈഡ് ലെൻസ്, 20 എംപി മാക്രോ ഷൂട്ടർ, എന്നിവയാണ് ഇതിലുള്ളത്. 16 മെഗാപിക്സലാണ് സെൽഫി ക്യാമറ.
5ജി, 4ജി എൽടിഇ, വൈഫൈ, ബ്ലൂടൂത്ത് കണക്റ്റിവിറ്റി ഓപ്ഷനുകൾ ഫോണിലുണ്ട്. 5000 എംഎഎച്ചിന്റേതാണ് ബാറ്ററി. 65 വാട്ട് അതിവേഗ ചാർജിങ് സൗകര്യവും ഇതിലുണ്ട്.
