പാലക്കാട്: കേരളത്തിൽ സംരഭക സ്വപ്നങ്ങൾക്ക് പിന്തുണയുമായി ഐഐടി പാലക്കാട് ടെക്നോളജി ഐഹബ് ഫൗണ്ടേഷൻ (ഐപിടിഐഎഫ്). സ്റ്റാർട്ട് അപ്പ് ആശയങ്ങൾ മനസിലുള്ളവർക്ക് ഐ ഹബ്ബിന്റെ സംരംഭക-ഇൻ-റെസിഡൻസ് (ഐ-ഇഐആർ) പ്രോഗ്രാമിനായി ഇപ്പോൾ അപേക്ഷിക്കാം.
നൂതന ആശയങ്ങൾ വിപണന ഉത്പന്നമായി വികസിപ്പിക്കുന്നതിനുള്ള പരിശീലനം, ഒരു വ്യവസായം ആരംഭിക്കുന്നതിനും പ്രൊഫഷണൽ നെറ്റ് വർക്ക് വിപുലീകരിക്കുന്നിതനുമുള്ള മികച്ച രീതികൾ, ബിസിനസ് ആശയങ്ങൾ, തന്ത്രങ്ങൾ തുടങ്ങി ഒരു വ്യക്തിയ്ക്ക് തന്റെ മനസിലുള്ള സ്റ്റാർട്ട് അപ്പ് പദ്ധതി യാഥാർത്ഥ്യമാക്കാൻ വേണ്ട പിന്തുണ സംരംഭക-ഇൻ-റെസിഡൻസ് പ്രോഗ്രാമിലൂടെ ലഭിക്കും. പരിചയ സമ്പന്നരായ സംരംഭകരിൽ നിന്നുള്ള മാർഗനിർദേശങ്ങളും ലഭിക്കും. പരമാവധി 12 മാസം 30000 രൂപ പ്രതിമാസ സ്റ്റൈപ്പന്റും ലഭിക്കും.
ബിരുദ വിദ്യാർത്ഥികൾ, സ്ത്രീകൾ ഉൾപ്പടെയുള്ളവരെ സംരംഭകത്വം ഏറ്റെടുക്കാൻ പ്രോത്സാഹിപ്പിക്കുകയാണ് പരിപാടിയുടെ ലക്ഷ്യം. ഫെലോഷിപ്പുകളും വാഗ്ദാനം ചെയ്യുന്നുണ്ട്. ടെക്നോളജി സംരംഭകർക്ക് അവരുടെ ബിസിനസ് പരിപോഷിപ്പിക്കുന്നതിനും ഈ അവസരം പ്രയോജനപ്പെടുത്താനാവും. കനറാബാങ്കിന്റെ സ്പോൺസർഷിപ്പിലാണ് പരിപാടി.
യോഗ്യത:
- ഇന്ത്യയിൽ താമസിക്കുന്ന ഇന്ത്യൻ പൗരൻ ആയിരിക്കണം.
- സയൻസ് എഞ്ചിനീയറിങ് വിഷയങ്ങളിൽ ബിരുദധാരിയായിരിക്കണം.
- നേരത്തെ തന്നെ കണ്ടെത്തലുകൾ നടത്തിയിട്ടുള്ളവർ / സാമൂഹിക/പാരിസ്ഥിതിക ആഘാത പ്രശ്നങ്ങൾ പരിഹരിക്കുന്നതിന് സംഘടനകളുമായി സഹകരിച്ച് പ്രവർത്തിച്ചിട്ടുള്ളവർ അത്തരം പ്രശ്നങ്ങൾക്കുള്ള പരിഹാരം കണ്ടെത്തിയിട്ടുള്ളവർ എന്നിവർക്കും അപേക്ഷിക്കാം.
നാഷണൽ മിഷൻ ഓൺ ഇന്റർ ഡിസിപ്ലിനറി സൈബർ-ഫിലിക്കൽ സിസ്റ്റംസിന് കീഴിൽ ഒരു ടെക്നോളജി ഇനൊവേഷൻ ഹബ്ബ് സ്ഥാപിക്കുന്നതിന് കേന്ദ്ര ശാസ്ത്ര സാങ്കേതികവിദ്യ മന്ത്രാലയം 100 കോടി രൂപ പാലക്കാട് ഐഐടിയ്ക്ക് അനുവദിച്ചിട്ടുണ്ട്. മറ്റ് ഐഐടികളിലും സമാനമായ പരിപാടികൾ അവിടങ്ങളിൽ രൂപീകരിച്ചിട്ടുള്ള ഐഹബ്ബുകൾ നടത്തിവരുന്നുണ്ട്.
അവസാന തീയ്യതി 2021 നവംബർ 1 താൽപര്യമുള്ളവർക്ക് ഓൺലൈനായി അപേക്ഷിക്കാം:
കൂടുതൽ വിവരങ്ങൾക്ക് :
