സാംസങ്ങിന്റേയും ഷാവോമിയുടെയും വൺപ്ലസിന്റെയുമെല്ലാം ഫ്ളാഗ്ഷിപ്പ് സ്മാർട്ഫോണുകൾ വൻ വിലക്കിഴിവിൽ വാങ്ങാനുള്ള അവസരം . മാഡ് ഓൺ മൊബൈൽസ് എന്ന പേരിൽ 40,000 രൂപയിലധികം വരെയുള്ള ഡിസ്കൗണ്ടുകളാണ് ആമസോൺ ഓഫർ ചെയ്‌യുന്നത്.
സാംസങ് എസ് 20 എഫ്ഇ 5ജി സ്മാർട്ഫോൺ 33,999 രൂപയ്‍ക്ക് ഇപ്പോൾ വാങ്ങാൻ സാധിക്കും. 74,999 രൂപയിൽ നിന്നാണ് ഈ വിലക്കിഴിവ്. ക്വാൽകോം സ്നാപ്ഡ്രാഗൺ 865 ഒക്‍ടാ കോർ പ്രൊസസറിൽ എട്ട് ജിബി റാം, 128 ജിബി ഇന്റേണൽ സ്റ്റോറേജ് എന്നിവ ഫോണിനുണ്ട്. രണ്ട് 12 എംപി സെൻസറുകളും, ഒരു 8 എംപി സെൻസറും ഉൾപ്പെടുന്ന ട്രിപ്പിൾ ക്യാമറ മോഡ്യൂൾ, 6.5 ഇഞ്ച് ഇൻഫിനിറ്റി ഓ സൂപ്പർ അമോലെഡ് ഡിസ്പ്ലേ, 4500 എംഎഎച്ച് ബാറ്ററി എന്നിവ ഫോണിനുണ്.
33999 രൂപ വിലയുള്ള എംഐ 11എക്സ് 5ജി 20999 രൂപയ്‍ക്കാണ് ഇപ്പോൾ വിൽപനയ്‍ക്കുള്ളത്. ക്വാൽകോം സ്നാപ്ഡ്രാഗൺ 870 5ജി, ക്രയോ 585 ഒക്‍ടാകോർ ചിപ് സെറ്റുകളുടെ പിന്തുണയിൽ പ്രവർത്തിക്കുന്ന ഫോണിൽ ആറ് ജിബി, എട്ട് ജിബി റാം വേരിയന്റുകളാണുള്ളത്.
6.67 ഇഞ്ച് ഫുൾഎച്ച്ഡിപ്ലസ് അമോലെഡ് ഡോട്ട് ഡിസ്പ്ലേയിൽ 120 ഹെർട്സ് റിഫ്രഷ് റേറ്റുണ്ട്.
48 എംപി, 8എംപി, 5എംപി സെൻസറുകൾ ഉൾക്കൊള്ളുന്ന ട്രിപ്പിൾ ക്യാമറ, 20 എംപി സെൽഫി ക്യാമറ, 4250 എംഎഎച്ച് ബാറ്ററി, 33 വാട്ട് അതിവേഗ ചാർജിങ്സൗകര്യം എന്നിവ ഫോണിനുണ്ട്.
49,999 രൂപ വിലയുള്ള വൺപ്ലസ് 9 5ജി ഫോൺ 10,000 രൂപ വിലക്കിഴിവിൽ 39,999 രൂപയ്‍ക്ക് വാങ്ങാം. ക്വാൽകോം സ്നാപ്ഡ്രാഗൺ 888 പ്രൊസസറിൽ പ്രവർത്തിക്കുന്നഫോണിൽ ആൻഡ്രോയിഡ് 11 അടിസ്ഥാനമാക്കിയുള്ള വൺപ്ലസ് ഓക്സിജൻ ഓഎസ് ആണുള്ളത്. 4500 എംഎഎച്ച് ബാറ്ററിയുണ്ട്. 48 എംപി പ്രധാന ക്യാമറ, 50 എംപി അൾട്രാ വൈഡ് ക്യാമ, 2 എംപി മോണോക്രോ ലെൻസ് എന്നിവ ഉൾക്കൊള്ളുന്ന ട്രിപ്പിൾ ക്യാമറ യാണിതിന്. 6.55 ഇഞ്ച് ഫള്ൂയിഡ് അമോലെഡ് ഡിസ്പ്ലേയിൽ 120 ഹെർട്സ് റിഫ്രഷ് റേറ്റുണ്ട്.
34,999 രൂപ വിലയുള്ള സാംസങ് ഗാലക്സി എം52 5ജി 23499 രൂപയ്‍ക്കാണ് വിൽക്കുന്നത്. 6.7 ഇഞ്ച് സൂപ്പർ അമോലെഡ് പ്ലസ് ഇൻഫിനിറ്റി ഓ ഡിസ്പ്ലേ, ഫുൾഎച്ച്ഡി പ്ലസ് റസലൂഷൻ, ഗൊറില്ല ഗ്ലാസ് 5 സംരക്ഷണം. ക്വാൽകോം എസ്ഡിഎം 778ജി ഒക്‍ടാകോർ പ്രൊസസറിൽ എട്ട് ജിബി റാമും 128 ജിബി സ്റ്റോറേജുമുണ്ട്. 5000 എംഎഎച്ച് ബാറ്ററിയാണിതിന്. 64 എംപി, 12എംപി, 5എംപി ലെൻസുകളുള്ള ട്രിപ്പിൾ ക്യാമറയും 32 എംപി സെൽഫി ക്യാമറയും ഇതിനുണ്ട്.
ക്വാൽകോം സ്നാപ്ഡ്രാഗൺ 778ജി 5ജി 6nm ഒക്‍ടാകോർ പ്രൊസസറിൽ 12 ജിബി റാം, 8 ജിബി റാം വേരിയന്റുകൾ ഐക്യൂ സെഡ്5 5ജിയ്‍ക്കുണ്ട്. 44 വാട്ട് അതിവേഗ ചാർജിങ് സൗകര്യമുള്ള 5000 എംഎഎച്ച് ബാറ്റിയാണിതിന്. 64 എംപി പ്രധാന സെൻസറുള്ള ട്രിപ്പിൾ ക്യാമറയും 16 എംപി സെൽഫി ക്യാമറയുമുണ്ട്.
ഇങ്ങനെ ഒരു കൂട്ടം മുൻ നിര സ്മാർട്ഫോണുകളാണ് ആകർഷകമായ ഓഫറിൽ വാങ്ങാൻ ആമസോൺ അവസരം ഒരുക്കിയിരിക്കുന്നത്. മുകളിൽ സൂചിപ്പിച്ച വിലക്കിഴിവിന് പുറമെ നിശ്ചിത സമയത്തേക്കുള്ള ഡീലുകൾ വഴിയും, ബാങ്ക് ഓഫർ, എക്സ്ചേഞ്ച് ഓഫർ എന്നിവ വഴിയും ഫോണുകളുടെ വില വീണ്ടും കുറയ്‍ക്കാം.
