ജിയോ നെറ്റ് വർക്കിൽ തടസം നേരിടുന്നതായി റിപ്പോർട്ട്. ഡൗൺ ഡിറ്റക്‍ടർ വെബ്സൈറ്റിൽ ഇന്ന് രാവിലെ ഒമ്പത് മണിമുതൽനിരവധിയാളുകളാണ് ജിയോ നെറ്റ് വർക്ക് കിട്ടുന്നില്ലെന്ന് റിപ്പോർട്ട് ചെയ്തത്.
വാട്സാപ്പിലും ഫെയ്സ്ബുക്കിലും, ഇൻസ്റ്റാഗ്രാമിലും ഫെയ്സ്ബുക്കിന്റെ മറ്റ് സേവനങ്ങളിലും തടസം നേരിട്ടതിന് മണിക്കൂറുകൾക്ക് ശേഷമാണ് ജിയോയിലും തടസം നേരിട്ടിരിക്കുന്നത്.
11 മണിയായപ്പോഴേക്കും 3000 പേർ ഡൗൺഡിറ്റക്‍ടർ വെബ്സൈറ്റിൽ ജിയോയിൽ തടസം നേരിടുന്നതായി രേഖപ്പെടുത്തിയിട്ടുണ്ട്. വെബ്സൈറ്റിലെ ഗ്രാഫിലുണ്ടായ ഉയർച്ച ഇത് വ്യക്തമാക്കുന്നു. എന്നാൽ ഗ്രാഫ് ഇപ്പോൾ താഴ്ന്നുകൊണ്ടിരിക്കുകയാണ്. അതായത് പ്രശ്നം പരിഹരിക്കപ്പെട്ടുതുടങ്ങിയിട്ടുണ്ട്.
ഡൽഹി, മുംബൈ, ഇൻഡോർ, റായ്പുർ, ബെംഗളുരു എന്നിവിടങ്ങളിലാണ് ജിയോ നെറ്റ് വർക്കിൽ തടസം കാര്യമായി നേരിട്ടതെന്ന് ഡൗൺ ഡിറ്റക്‍ടർ മാപ്പ് കാണിക്കുന്നു.
