ഗുവാഹത്തി
അസമിലെ ദരാങ്ങിൽ നിയമവിരുദ്ധ കുടിയൊഴിപ്പിക്കലിനു വിധേയരായവരെ സംരക്ഷിക്കണമെന്ന് ആവശ്യപ്പെട്ട് സിപിഐ എം പൊളിറ്റ്ബ്യൂറോ അംഗം ബൃന്ദ കാരാട്ട് മുഖ്യമന്ത്രി ഹിമാന്ത ബിസ്വ സർമയ്ക്ക് നിവേദനം നൽകി.
നിയമപരമായ നടപടി പാലിക്കാതെയാണ് ആയിരത്തോളം കുടുംബത്തെ ഒഴിപ്പിച്ചത്. ദുരിതപൂർണമാണ് ഇവരുടെ സ്ഥിതി. പെൺകുട്ടികൾക്കും സ്ത്രീകൾക്കുമടക്കം പ്രാഥമികാവശ്യം നിർവഹിക്കാൻ സൗകര്യമില്ല. മലിനവെള്ളമാണ് കുടിക്കുന്നത്. പകർച്ചവ്യാധി പൊട്ടിപ്പുറപ്പെട്ടേക്കാം.
പൊലീസ് അതിക്രമത്തിൽ മരിച്ചവരുടെ കുടുംബത്തിന് നഷ്ടപരിഹാരം നൽകണം. സർവേയോ പഠനമോ നടത്താതെ ആളുകളെ ഒഴിപ്പിക്കരുതെന്നും -നിവേദനത്തിൽ ആവശ്യപ്പെട്ടു. സർക്കാരിന്റെ ദ്രോഹനിലപാട് തുടർന്നാൽ ശക്തമായ പ്രതിഷേധം സംഘടിപ്പിക്കുമെന്ന് ബൃന്ദ മാധ്യമങ്ങളോട് പറഞ്ഞു.
