മഹാശ്വേത 
ദേവിയുടെ ചെറുകഥ വെട്ടി ഡൽഹി 
സർവകലാശാല

ന്യൂഡൽഹി
ജ്ഞാനപീഠം ജേതാവ് മഹാശ്വേത ദേവിയുടെ പ്രസിദ്ധ ചെറുകഥ പാഠ്യപദ്ധതിയിൽനിന്ന് വെട്ടി ഡൽഹി സർവകലാശാല. ചൊവ്വാഴ്ച ചേർന്ന സർവകലാശാലാ അക്കാദമിക് കൗൺസിൽ യോഗമാണ് ബിഎ ഇംഗ്ലീഷ് ഓണേഴ്സ് അഞ്ചാം സെമസ്റ്റർ പാഠ്യപദ്ധതിയിലെ “ദ്രൗപതി’ എന്ന ചെറുകഥ ഒഴിവാക്കിയത്. ബാമ, സുകീർത്തരണി എന്നി ദളിത് എഴുത്തുകാരുടെ രചനകളും ഒഴിവാക്കി. അക്കാദമിക് കൗൺസിലിലെ 14 അംഗങ്ങൾ തീരുമാനത്തോട് വിയോജനക്കുറിപ്പ് നൽകി. വിദഗ്ധരില്ലാത്ത സമിതി ഒരു ആലോചനയുമില്ലാതെ യുക്തിരഹിതമായാണ് പാഠ്യപദ്ധതി പരിഷ്കരിച്ചതെന്ന് ഇവർ പറഞ്ഞു.