കേരള വിനോദ സഞ്ചാര വകുപ്പിന്റെ നേതൃത്വത്തിൽ പ്രവാസി മലയാളികളെ ഉൾക്കൊള്ളിച്ച് വെർച്വൽ ഓണാഘോഷം സംഘടിപ്പിക്കുന്നു. ലോക കേരള സഭയാണ് ഓദ്യോഗികമായ നടത്തിപ്പിന് നേതൃത്വം നൽകുന്നത്.
പരിപാടിയുടെ ഭാഗമായി സംഘടിപ്പിക്കുന്ന ‘വിശ്വമാനവ ലോക പൂക്കളം ‘ മത്സരങ്ങളിൽ പ്രവാസികളായ വ്യക്തികൾ, കുടുംബങ്ങൾ, സംഘടനകൾ എന്നീ നിലകളിൽ പങ്കെടുക്കാവുന്നതാണ്. ഇതിനായി www.keralatourism.org എന്ന വെബ് സൈറ്റ് സന്ദർശിച്ച് Global Pookalam Competition-2021-ൽ രജിസ്റ്റർ ചെയ്യാവുന്നതാണ്. പരമാവധി ഒരോ വിഭാഗത്തിലും 5 എൻട്രികൾ വരെ കൊടുക്കാവുന്നതാണ്. പൂക്കളത്തിൻ്റെ ചിത്രത്തോടൊപ്പം പൂക്കളം തയ്യാറാക്കിയവരുടെ ഫോട്ടോയും അനുയോജ്യമായ ക്ലാപ്ഷനോടൊപ്പം ചെറുവിവരണത്തോടെ 23 രാത്രി 12 ന് മുമ്പായി അപ് ലോഡ് ചെയ്യണം.
ലോക പ്രവാസി മലയാളികളെ ഓണാഘോഷത്തിൻ്റെ ഭാഗമായി ഒരു പൊതുപരിപാടിയിൽ ഒരുമിച്ചണിനിരത്തുന്ന ആദ്യ സംരഭമായിരിക്കുമിത്. പരിപാടിയിൽ എല്ലാവരും സഹകരിക്കണമെന്ന് സംഘാടകസമിതി അംഗങ്ങളായ എൻ അജിത് കുമാർ, സാം പൈനുമൂട്, ആർ നാഗനാഥൻ, സജി തോമസ് മാത്യു, സി കെ നൗഷാദ് എന്നിവർവാർത്താസമ്മേളനത്തിൽ പറഞ്ഞു.
