“ഞാൻ താമസിക്കുന്നത് ഇടുക്കി ഹൈറേഞ്ചിലാണ്. മാസങ്ങളായി വീട്ടിലിരുന്നു ജോലി ചെയ്യുന്നു. മിക്ക ദിവസങ്ങളിലും കറണ്ട് ഒരു വിലങ്ങ് തടിയാണ്. കൂടുതലും മഴയുള്ള ദിവസങ്ങളിൽ. ഒരു ദിവസം മുഴുവനായും വൈദ്യുതി മുടങ്ങി ജോലി താമസിച്ചു” കൊച്ചി ഇൻഫോപാര്ക്കില് ജോലി ചെയ്യുന്ന സുധീഷ് മോഹൻ പറയുന്നു.
കൊവിഡ് മൂന്നാംതരംഗം പ്രതീക്ഷിച്ചിരിക്കുന്ന കേരളത്തില് ഐ.ടി കമ്പനികള് മുതല് സര്ക്കാര് സ്ഥാപനങ്ങള്വരെ ജീവനക്കാരോട് വീടുകളിലിരുന്നു ജോലി ചെയ്യാന് നിര്ദേശിച്ചിട്ട്
.
കേരളത്തില് വീട്ടിലിരുന്നു ജോലി ചെയ്യുന്നവര് നേരിടുന്ന രണ്ട് പ്രധാന പ്രശനങ്ങളാണ് സുധീഷ് മുൻപ് സൂചിപ്പിച്ച വൈദ്യുതി തടസ്സവും കുറഞ്ഞ ഇന്റര്നെറ്റ് സ്പീഡും.
“വീട്ടിലിരുന്ന് ജോലി ചെയ്യുമ്പോൾ സമയം കൂടുതൽ കിട്ടുമെങ്കിലും പ്രൊഡക്ടിവിറ്റി കുറയും” സുധി പറയുന്നു.
“ടീം അംഗങ്ങളോട് ചർച്ച ചെയ്യാൻ കുറച്ച് തടസം നേരിടും, നമ്മൾ ഒരു കാര്യം ചോദിച്ച് അതിന് മറുപടി കിട്ടി വരുമ്പോള് സമയം എടുക്കും. ടീമായിട്ട് ജോലി തീർക്കേണ്ടവർക്ക് കുറച്ച് ബുദ്ധിമുട്ടാണ്. ഒരുമിച്ചിരുന്ന് ചർച്ച ചെയ്യുമ്പോൾ കറണ്ട് പോയാൽ തീർന്നു.”
*
“ഞാനിപ്പോള് 24×7 ജോലി ചെയ്യുന്നത് പോലെയാണ്,” തിരുവനന്തപുരം ടെക്നോപാർക്കിൽ ജോലി ചെയ്യുന്ന മുഹമ്മദ് ദിൻഷ പറയുന്നു.
“ഓഫീസിലാകുമ്പോൾ സമയത്ത് ജോലി ചെയ്ത് തീർക്കാൻ ഒരു ഒഴുക്കുണ്ട്, തടസ്സങ്ങളൊന്നുമില്ല. പക്ഷേ. വീട്ടിലിരുന്നുള്ള ജോലിയിൽ എതിർ ടീമിൻ്റ സമയം കൂടി നോക്കണം. ഓഫീസ് ടൈമിൽ ഒരു കൃത്യ സമയം പാലിക്കുന്നുണ്ടായിരുന്നു, പക്ഷെ ഇപ്പോൾ അതില്ല” ദിന്ഷ പറയുന്നു.
കെ.എസ്.ഇ.ബി തന്നെയാണ് പലപ്പോഴും വര്ക്ക് ഫ്രം ഹോമിന്റെ ഒഴുക്ക് തടസ്സപ്പെടുത്തുന്നത്.
വർക്ക് ഫ്രം ഹോമിൽ ഇടക്കിടെ വൈദ്യുതി പോകുന്നത് കാരണം ജോലിയെ കാര്യമായി ബാധിച്ചു, മഴയുള്ള ദിവസങ്ങളിൽ പറയണ്ട. ചലപ്പോള് മരങ്ങളൊക്കെ ഒടിഞ്ഞ് വീണായിരിക്കും വൈദ്യുത തടസ്സം. ആകെ മൊത്തം ബുദ്ധിമുട്ട്. ഇടയ്ക്ക് എങ്കിലും കറൻ്റ് പകല് മുഴുവൻ പോയി ജോലി ചെയ്യാതിരിക്കാൻ പറ്റാത്ത അവസ്ഥയുണ്ടായിട്ടുണ്ട് — കൊല്ലം ജില്ലയില് ജോലി ചെയ്യുന്ന ഒരു ഡിജിറ്റൽ കണ്ടന്റ് റൈറ്റര്, സമയം മലയാളത്തോട് പറയുന്നു.
ഇത് ഒരാളുടെ അഭിപ്രായമല്ല.
പവര്കട്ട് കാരണം കൂടുതല് സമയം ജോലിയില് ചെലവഴിക്കേണ്ടി വരുന്നുണ്ട്. ഒന്നുരണ്ട് തവണ ക്ലൈന്റുകളുമായുള്ള മീറ്റിങ്ങുകള് മാറ്റിവെക്കേണ്ടിയും വന്നു. കൊല്ലത്ത് നിന്നുള്ള ഡിജിറ്റൽ സംരംഭകന് സിനിദീപ് പറയുന്നു.
തന്നെപ്പോലെയുള്ളവര്ക്ക് വര്ക്ക് ഫ്രം ഹോം കാരണം ജോലി ഇഴയുകയാണെന്നാണ് തിരുവനന്തപുരത്ത് നിന്നുള്ള മാഗസിന് ലേഔട്ട് ഡിസൈനര്, സന്ദീപ് ശശികുമാര് പറയുന്നു.
“കൊവിഡ് സാഹചര്യത്തില് വർക്ക് ഫ്രം ഹോം നല്ലതൊക്കെ എന്നാൽ, പഴയ രീതിയുമായ നോക്കുമ്പോൾ വർക്ക് ഫ്രം ഹോം ജോലിയെ ചെറുതായി ബാധിച്ചു. കാരണം ഓഫീസിലെത്തി സഹപ്രവർത്തകരുമായി ഒരുമിച്ചിരുന്ന് ചെയ്യുന്ന സമയത്ത് ഉപഭോക്താവിനുള്ള വർക്കുകൾ വേഗത്തിൽ ചെയ്യാനും തിരുത്തുകൾ ഉണ്ടെങ്കിൽ അതും ഉടനടി മാറ്റി ചെയ്യാനും സാധിക്കുമായിരുന്നു. വർക്ക് ഫ്രം ഹോം ആയപ്പോൾ സ്ഥിതി മാറി മൂന്ന് ദിവസം കൊണ്ട് തീർക്കേണ്ട ആറ് ദിവസം വരെ നീളും. ഒരു വർക്ക് ഡിസൈൻ ചെയ്ത് പ്രൂഫ് റീഡിങ്ങിന് അയച്ച് അത് നോക്കി തിരുത്ത് ഉണ്ടേൽ തിരുത്തി ഫോണ്ട് സ്റ്റൈയിൽ ഒക്കെ നോക്കി വരുമ്പോ ജോലി തീരാൻ ദിവസങ്ങൾ എടുക്കേണ്ടി വരും. ഒപ്പം മുന്നറിയപ്പില്ലാത്ത കറൻ്റ് കട്ട്കൂടി ഉണ്ടെങ്കിൽ പിന്നെയും നീളും” സന്ദീപ് പറയുന്നു.
ജോലി, വീട്ടിലിരുന്നും ചെയ്യാവുന്നതേയുള്ളൂ എന്ന തിരിച്ചറിവാണ് വര്ക്ക് ഫ്രം ഹോമിലൂടെയുണ്ടായത് എന്നാണ് കേരളത്തിന് പുറത്ത് ജോലി ചെയ്തിരുന്ന കണ്ടന്റ് റൈറ്റര് മീനു പ്രസാദ് പറയുന്നത്.
“വീട്ടിലിരിക്കുമ്പോള് ‘റിലാക്സ്’ ചെയ്തിരുന്നു വർക്ക് ചെയ്യാൻ സാധിക്കുന്നുണ്ട്. ഓഫീസിൽ പോകുന്ന സമയത്ത് നേരത്തെ ഉണർന്ന് റെഡിയായി ടൈമിൽ എത്തണമായിരുന്നു. ഇപ്പോൾ അതിൻ്റെ ആവശ്യം വരുന്നില്ല. വലിയ വാടക കൊടുത്ത് ഓഫീസ് സ്പേസൊക്കെ എടുത്ത് കാശ് കളയാതെ വീട്ടിലിരുന്നും സിമ്പിളായിട്ട് ജോലി ചെയ്യാൻ സാധിക്കും എന്ന് മനസ്സിലായി”
വര്ക്ക് ഫ്രം നീളുന്ന സാഹചര്യത്തില് അടിസ്ഥാന സൗകര്യങ്ങളും മാറണമെന്നാണ് കൊച്ചിയിലെ ഒരു ഡിജിറ്റല് കൺസൾട്ടന്റ് ഉസാമ ഷിഹാബുദ്ദീന് ആവശ്യപ്പെടുന്നത്.
വീട്ടിലിരുന്നു ജോലി ചെയ്യുന്ന ‘കൾച്ചര്’ മുന്നോട്ട് പോകുകയാണെങ്കിൽ വർക്ക് ഫ്രം എവരിവെയർ എന്നതിലേക്ക് മാറണം. ഇത് പ്രൊഡക്ടിവിറ്റി കൂട്ടും, റിലാക്സ് ചെയ്തിരുന്നു വർക്ക് ചെയ്യാനുള്ള അന്തരീക്ഷം ഉണ്ടാകും. പക്ഷേ, ഇടക്കിടെയുള്ള വൈദ്യുതി മുടക്കവും ഇൻ്റർനെറ്റ് കണക്ഷൻ വേഗത കുറയുന്നതും ജോലിയെ ബാധിക്കരുത്. കെ.എസ്. ഇ.ബിയും ഇൻ്റർനെറ്റ് പ്രൊവൈഡേഴ്സും കൂടുതൽ ഇൻഫ്രാസ്ട്രക്ചർ ഉൾപ്പെടുത്തണം. ഒരാളോ അല്ലെങ്കിൽ പത്ത് പേരോ മാത്രമല്ല വർക്ക് പ്രം ഹോമിലേക്ക് മാറിയത്. ഒരു കൂട്ടം ആളുകൾ അത്തരത്തിൽ ജോലി ചെയ്യുമ്പോൾ അവരുടെ ഭാഗത്ത് നിന്നും അങ്ങനെയൊരു സപ്പോർട്ട് ആവശ്യമാണ്. ഉസാമ പറയുന്നു.
****
