ടോക്യോ > ടോക്യോ ഒളിമ്പിക്സിൽ പുരുഷന്മാരുടെ 86 കിലോ വിഭാഗം ഗുസ്തിയിൽ വെങ്കല മെഡലിനായുള്ള പോരട്ടത്തിൽ ഇന്ത്യയുടെ ദീപക് പൂനിയയ്ക്ക് തോൽവി. സാൻ മാരിനോയുടെ മൈലെസ് നാസെം അമിനാണ് 4–2 എന്ന സ്കോറിൽ ദീപകിനെ പരാജയപ്പെടുത്തിയത്. മത്സരത്തിന്റെ അവസാനസെക്കൻഡുകളിലായിരുന്നു അമിനിന്റെ മുന്നേറ്റം. പ്രതിരോധത്തിലേക്ക് മാറിയെങ്കിലും സാൻ മാരിനോ താരത്തെ പ്രതിരോധിക്കാൻ ദീപക്കിനായില്ല.
ഫൈനലിലെത്തിയ അമേരിക്കയുടെ ഡേവിഡ് മോറിസ് ടെയ്ലറാണ് സെമിയിൽ ദീപക്കിനെ തോൽപ്പിച്ചത്. പ്രീ ക്വാര്ട്ടറിൽ നൈജീരിയയുടെ അഗിയാവോമോര് എക്കെരെകെമെയെയും ക്വട്ടറിൽ ചൈനയുടെ സുഷെന് ലിന്നിനെയും തോൽപ്പിച്ചായിരുന്നു ദീപക്കിന്റെ സെമി പ്രവേശനം. 2019 ൽ നടന്ന ലോക ഗുസ്തി ചാമ്പ്യൻഷിപ്പിൽ വെള്ളി നേടിയ താരമാണ് ദീപക് പൂനിയ.
