കരുനാഗപ്പള്ളി > നാടക പ്രവർത്തകൻ തഴവ, ചെമ്പകശ്ശേരിൽ സി ആർ മനോജ് (45) അന്തരിച്ചു. സി ആർ മഹേഷ് എംഎൽഎയുടെ സഹോദരനാണ്. ഓച്ചിറ നാടകരംഗം, ഓച്ചിറ സരിഗ തുടങ്ങിയ സമിതികൾക്കായി മൂന്ന് നാടകങ്ങൾ രചിച്ചിട്ടുണ്ട്.
ട്രാൻസ്ജെൻഡർമാരുടെ കഥ പറഞ്ഞ ‘ഇവൻ നായിക’ എന്ന നാടകം ജനശ്രദ്ധ നേടി. തോപ്പിൽ ഭാസി തീയറ്റേഴ്സിന്റെ കഥ കേരളീയം, ഇപ്റ്റയ്ക്കു വേണ്ടി തയ്യാറാക്കിയ പരേതൻ മരിച്ചിട്ടില്ല തുടങ്ങിയ നാടകങ്ങളിൽ അഭിനയിച്ചിട്ടുണ്ട്.
പ്രൊഫഷണൽ നാടക രംഗത്തെ കലാകാരൻമാരുടെ ക്ഷേമത്തിനായി പ്രവർത്തിക്കുന്ന ‘ഡ്രാമാനന്ദം’ എന്ന സംഘടനയുടെ ജനറൽ സെക്രട്ടറിയായിരുന്നു. ഭാര്യ: ലക്ഷ്മി.
