റേഷൻ കടകളിലെ ഇ പോസ് മെഷിനിൽ വിരൽ പതിപ്പിച്ച് കാർഡിലെ വിവരങ്ങൾ ഉറപ്പുവരുത്തിയ ശേഷം വിതരണം ചെയ്യേണ്ട കിറ്റ് മന്ത്രിയും മറ്റ് ഉദ്യോഗസ്ഥരും മണിയൻപിള്ള രാജുവിന് വീട്ടിലെത്തിയ കൈമാറിയെന്നാണ് ആരോപണം. ഓണക്കിറ്റ് കൈമാറുന്നതിൻ്റെ ചിത്രം മന്ത്രി
കഴിഞ്ഞ ലോക്ക്ഡൗൺ കാലത്ത് കാലത്ത് വിതരണം ചെയ്ത സൗജന്യ റേഷനരി മോശമാണെന്ന പ്രചാരണം ശക്തമായിരിക്കെ റേഷൻ കടയിൽ നേരിട്ടെത്തി അരി വാങ്ങിയത് ചർച്ചയായിരുന്നു. “അരി മോശമാണെന്ന പ്രചാരണം സമൂഹമാധ്യമങ്ങളിൽ ശക്തമായത് കൊണ്ടാണ് അരി വാങ്ങാൻ നേരിട്ട് റേഷൻ കടയിലെത്തിയത്. അരി വാങ്ങുകയും വീട്ടിൽ ചോറ് വെച്ച് കഴിക്കുകയു ചെയ്തു. അരി മോശമാണെന്ന് തനിക്ക് തോന്നിയില്ല” – എന്നും അദ്ദേഹം പ്രതികരിച്ചിരുന്നു.
അരി മോശമാണെന്ന പ്രചാരണം ശക്തമായിരിക്കെ റേഷൻ കടയിലെത്തി അരി വാങ്ങിയ മണിയൻപിള്ള രാജുവിനെ അഭിനന്ദിക്കാൻ അന്നത്തെ ഭക്ഷ്യമന്ത്രി പി തിലോത്തമൻ നേരിട്ട് വീട്ടിൽ എത്തിയിരുന്നു. അതേസമയം, നിലവിലെ വിവാദങ്ങളോട് താരം പ്രതികരണം നടത്തി. “സെലിബ്രിറ്റി എന്ന നിലയിലാണ് മന്ത്രി തനിക്ക് വീട്ടിൽ കിറ്റ് എത്തിച്ച് നൽകിയത്. റേഷൻ കടയിലെത്തി ഇ പോസ് മെഷീനിൽ വിരൽ പതിപ്പിക്കും” – എന്നും അദ്ദേഹം വ്യക്തമാക്കിയതായി മനോരമ ഓൺലൈൻ റിപ്പോർട്ട് ചെയ്തു.
ഓഗസ്റ്റ് മാസം 18ന് മുൻപ് കിറ്റ് പൂർണമായും വിതരണം ചെയ്യുകയാണ് സർക്കാർ ലക്ഷ്യം. 86 ലക്ഷം കാർഡ് ഉടമകൾക്കാണ് കിറ്റ് ലഭ്യമാകുക. തുണി സഞ്ചി ഉൾപ്പെടെ 16 ഇനങ്ങളാണ് ഓണക്കിറ്റിലുള്ളത്. 570 രൂപയുടെ കിറ്റാണ് കാർഡ് ഉടമയ്ക്ക് ലഭിക്കുക. ഒരു കിലോ പഞ്ചസാര, വെളിച്ചെണ്ണ അരക്കിലോ, ചെറുപയര്‍, 250 ഗ്രാം തുവര പരിപ്പ്, നൂറ് ഗ്രാം തേയില, മുളക് പൊടി, ഉപ്പ്, മഞ്ഞള്‍, ഒരു കിലോ ആട്ട, ചിപ്‌സ് – (ബിപിഎൽ കാർഡ് ഉടമകൾക്ക് മാത്രം), ശർക്കര വരട്ടി- 100 ഗ്രാം (ബിപിഎൽ കാർഡ് ഉടമകൾക്ക് മാത്രം) ബാത്ത് സോപ്പ് തുടങ്ങിയവയും പായസം തയ്യാറാക്കുന്നതിന് ആവശ്യമായ അണ്ടിപ്പരിപ്പ്, എലയ്ക്ക, സേമിയ -പാലട – ഉണക്കലരി എന്നിവയില്‍ ഒന്ന്, നെയ്യ്, ഉള്‍പ്പെടെയുള്ളവയും ഉണ്ടാകും.
