കൊച്ചി: ആരോഗ്യ മന്ത്രി വീണാ ജോർജ്ജിനെതിരെ പരിഹാസവുമായി ബിജെപി സംസ്ഥാന അധ്യക്ഷൻ കെ സുരേന്ദ്രൻ. മന്ത്രി നടപ്പാക്കുന്ന കൊവിഡ് നിയന്ത്രണങ്ങൾ വിഡ്ഢിത്തമാണെന്ന് സുരേന്ദ്രൻ പറഞ്ഞു. വീണാ ജോർജ്ജിനെ വാർത്ത വായിക്കാൻ കൊള്ളാമെന്നും എന്നാൽ മന്ത്രിയായ ശേഷം പരാജയമാണെന്നും സുരേന്ദ്രൻ ആരോപിച്ചു.
സർക്കാരിലെ ഏറ്റവും വലിയ കുറ്റവാളി മുഖ്യമന്ത്രിയാണ്. ലാവ്ലിൻ കേസിലെ സമാന വിധി പ്രതീക്ഷിച്ചാണ് കുറ്റം ചെയ്ത മന്ത്രിമാരെ മുഖ്യമന്ത്രി സംരക്ഷിക്കുന്നത്. രാജി വെയ്ക്കേണ്ടി വരുമോയെന്ന ഭയം മുഖ്യമന്ത്രിക്കുണ്ടെന്നും സുരേന്ദ്രൻ പറഞ്ഞു.
മന്ത്രി വി ശിവൻകുട്ടിക്കെതിരെയും സുരേന്ദ്രൻ രംഗത്തെത്തി. പൂജപ്പുരയിൽ വന്ന് ചായ കുടിക്കുന്നതിനു പകരം പൂജപ്പുര ജയിലിലെ ഉണ്ടതിന്നേണ്ട ആളാണ് വി ശിവൻകുട്ടി. മന്ത്രിയെ ജിലിൽ അടയ്ക്കാൻ എല്ലാ ശ്രമവും നടത്തുമെന്നും സുരേന്ദ്രൻ പറഞ്ഞു.
Also Read:
നേരത്തെ വി ശിവൻകുട്ടിയെ വെല്ലുവിളിച്ച് ബിജെപി നേതാവ് വിവി രാജേഷ് രംഗത്തെത്തിയിരുന്നു. വി ശിവൻകുട്ടിയെ നേമത്ത് കാലുകുത്താൻ അനുവദിക്കില്ലെന്നായിരുന്നു രാജേഷിന്റെ വെല്ലുവിളി. പൂജപ്പുര ജംങ്ഷനിൽ നിന്ന് ചായകുടിച്ചായിരുന്നു മന്ത്രി ഇതിനു മറുപടി പറഞ്ഞത്.
