സ്പൈനൽ മസ്ക്യുലര്‍ അക്രോഫി അഥവ എസ്എംഎ കേസുകളില്‍ മരുന്നിന്റെ നികുതി മാത്രം ആറ് കോടിയോളം രൂപ വരുമെന്നാണ് പുറത്തുവന്നിരുന്ന റിപ്പോര്‍ട്ടുകള്‍. ഇതോടെ ആ പ്രതിസന്ധിക്കാണ് ഇളവ് വന്നിരിക്കുന്നത്.
സോള്‍ജെന്‍സ്മ (Zolgensma) എന്ന മരുന്നാണ് ഇതിനാവശ്യമായി വരുന്നത്. ഒറ്റത്തവണ മാത്രമേ ഈ മരുന്ന് കുത്തിവെക്കേണ്ടതുള്ളൂ. ഇത് ഡിഎന്‍എയില്‍ പ്രവേശിച്ച് തകരാര്‍ സംഭവിച്ച ജീനില്‍ പ്രതിപ്രവര്‍ത്തിച്ച് അവയുടെ തകരാര്‍ പരിഹരിക്കുകയാണ് ചെയ്യുന്നത്. വളരെ സങ്കീര്‍ണ്ണമായ പ്രവര്‍ത്തനമാണ് മരുന്നിന്‍റേത്. നിര്‍മ്മിക്കാനും അതിനാവശ്യമായ ഗവേഷണങ്ങള്‍ക്കും വലിയ ചെലവ് വരുന്നതിനാലും, ആവശ്യക്കാർ കുറച്ച് പേര്‍ മാത്രമേ ഉള്ളൂ എന്നതിനാലും ഈ മരുന്ന് ആവശ്യമായി വരുന്നുള്ളൂ എന്നതിനാലുമാണ് ഇത്ര വലിയ ചെലവ് വരുന്നത്.
ഈ രോഗം ബാധിച്ച് കേരളത്തിൽ തന്നെ നൂറിലധികം കുട്ടികളാണ് ഉള്ളത് എന്നാണ് മാധ്യമങ്ങള്‍ പുറത്തുവിടുന്ന കണക്കുകള്‍ സൂചിപ്പിക്കുന്നത്. രാജ്യത്താകമാനം എണ്ണൂറിലധികം എസ്എംഎ ബാധിതരായ കുട്ടികളുണ്ടെന്നാണ് വിവരം.
കുഞ്ഞ് മുഹമ്മദിന്റെ കഥ പുറത്തുവന്നതോടെ ഒരാഴ്ച കൊണ്ട് 18 കോടി രൂപയാണ് കേരളം സ്വരൂപിച്ചത്.
