ന്യൂഡൽഹി: സാമ്പത്തിക തട്ടിപ്പ് ആരോപിച്ച് എംഎൽഎയ്ക്കെതിരെ ഹർജി. മുംബൈ മലയാളിയായ ദിനേശ് മേനോൻ എന്നയാളാണ് സുപ്രീം കോടതിയിൽ ഹർജി നൽകിയത്. കണ്ണൂർ വിമാനത്താവളത്തിൻ്റെ ഓഹരി നൽകാമെന്ന് വാഗ്ദാനം ചെയ്ത് 3.15 കൊടി രൂപ വാങ്ങി വഞ്ചിച്ചെന്നാണ് ഹർജിയിൽ വ്യക്തമാക്കുന്നത്.
ദിനേശിൻ്റെ പരാതിയിൽ വഞ്ചന, ഗൂഢാലോചന എന്നീ കുറ്റങ്ങൾ ചുമത്തി മാണി സി കാപ്പനെതിരെ എറണാകുളം ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് കോടതി കേസെടുത്തിരുന്നു. പ്രാഥമികമായി കുറ്റങ്ങൾ നില നിൽക്കുമെന്നായിരുന്നു കോടതിയുടെ നിരീക്ഷണം.
സുപ്രീം കോടതിയിൽ ഹർജി എത്തിയെങ്കിലും ഹർജിയുമായി ബന്ധപ്പെട്ട കൂടുതൽ വിവരങ്ങൾ പുറത്തുവന്നിട്ടില്ല. പണം വാങ്ങി വഞ്ചിച്ചു എന്നാണ് ഹർജിയിൽ പ്രധാനമായും വ്യക്തമാക്കുന്നത്. സംഭവത്തിൽ മാണി സി കാപ്പൻ ഇതുവരെ പ്രതികരണം നടത്തിയിട്ടില്ല.
