തൃശ്ശൂർ: കൊരട്ടിയിൽ സമാന്തര ടെലഫോൺ എക്സ്ചേഞ്ച് പിടികൂടി. കൊരട്ടി ദേശീയപാതയിൽ ഇലക്ട്രിക് ഷോപ്പിന്റെ മറവിലാണ് സമാന്തര ടെലഫോൺ എക്സ്ചേഞ്ച് പ്രവർത്തിച്ചിരുന്നത്.
സംഭവത്തിൽ മൂന്നുപേരെ പോലീസ് അറസ്റ്റ് ചെയ്തു. കൊരട്ടി സ്വദേശി ഹക്കീം, അങ്കമാലി സ്വദേശി നിതിൻ, മഞ്ചേരി സ്വദേശി റഷാദ് എന്നിവരാണ് പിടിയിലായത്. നേരത്തെ, സംശയം തോന്നിയതിനെ തുടർന്ന് കൊരട്ടിയിൽ കഴിഞ്ഞദിവസം പോലീസ് റെയ്ഡ് നടത്തിയിരുന്നു. എന്നാൽ പരിശോധനയിൽ ഒന്നും കണ്ടെത്താനായില്ല.
എന്നാൽ ഇന്ന് എറണാകുളം ജില്ലയിലെ വിവിധയിടങ്ങളിൽ നടത്തിയ പരിശോധനയിലാണ് സമാന്തര ടെലഫോൺ എക്സ്ചേഞ്ചുകൾ പിടികൂടിയത്. ഇന്റർനാഷണൽ കോളുകൾ ലോക്കൽ കോളുകളാക്കി മാറ്റിക്കൊടുക്കുകയാണ് ഇവർ ചെയ്യുന്നതെന്ന് പോലീസ് പറഞ്ഞു. പിടിയിലായവരെ വിശദമായി ചോദ്യം ചെയ്തശേഷം കോടതിയിൽ ഹാജരാക്കും. മൂന്നിടങ്ങളിൽ നടത്തിയ പരിശോധനയിൽ 12-ഓളം ഉപകരണങ്ങൾ ഉൾപ്പെടെയുള്ളവ കണ്ടെടുത്തിട്ടുണ്ട്.
content highlights:three arrested in connection with parallel telephone exchanges
