2018ലെ പ്രളയത്തെ തുടര്‍ന്ന് കേരളത്തിന്റെ പുനര്‍നിര്‍മ്മാണം ലക്ഷ്യമിട്ട് പ്രളയ സെസ് ഏര്‍പ്പെടുത്തിയത്. അഞ്ച് ശതമാനത്തിൽ അധികം നികുതിയുള്ള ചരക്ക് സേവനങ്ങൾക്ക് ഒരു ശതമാനവും സ്വർണത്തിന് 0.25 ശതമാനവും ആയിരുന്നു സെസ് ചുമത്തിയിരുന്നത്.
ഗൃഹോപകരണങ്ങള്‍ക്കും ഇൻഷുറൻസ് അടക്കമുള്ള സേവനങ്ങള്‍ക്കും വില കുറയുകയാണ്. കാറുകള്‍ക്ക് നാലായിരം രൂപ മുതൽ കുറവുണ്ടാകും. പുതിയ വാഹനങ്ങളുടെ വാഹനനികുതിയിലും സെസ് ഒഴിവാക്കിയത് പ്രതിഫലിക്കും. ഇതിലൂടെ വർഷം 600 കോടി വീതം രണ്ട് വർഷം കൊണ്ട് 1,200 കോടി സമാഹരിക്കാനായിരുന്നു ലക്ഷ്യം.
വീട്ടുപകരണത്തിന് അടക്കം വാങ്ങുമ്പോള്‍ സെസ് ഒരു ശതമാനത്തിന്റെ സാമ്പത്തിക ഭാരമായിരുന്നു ഉണ്ടാക്കിയിരു്നനത്. ഇതോടെ 20,000 രൂപയുടെ ടിവിയ്ക്ക് 200 രൂപ കുറയുമെന്നാണ് റിപ്പോര്‍ട്ട് ചെയ്യുന്നത്. ഇതിന് പുറമെ, കമ്പൂട്ടറും മൊബൈൽ ഫോണും അടക്കമുള്ളവയുടേയും വിലയിൽ കുറവുണ്ടാകും.
വാഹനങ്ങൾക്ക് പുറമെ, മൊബൈൽ ഫോൺ, ലാപ്‌ടോപ്, കംപ്യൂട്ടർ, ടിവി, റഫ്രിജറേറ്റർ, മൈക്രോവേവ് ഓവൻ, മിക്‌സി, വാഷിങ് മെഷീൻ, വാട്ടർ ഹീറ്റർ, ഫാൻ, പൈപ്പ്, കിടക്കകൾ, ക്യാമറ, മരുന്നുകൾ, 1000 രൂപയിൽ കൂടുതൽ വിലയുള്ള തുണികൾ, കണ്ണട, ചെരുപ്പ്, ബാഗ്, സിമന്റ്, പെയിന്റ്, മാർബിൾ, ടൈൽ, ഫർണിച്ചർ, വയറിങ് കേബിൾ, ഇൻഷുറൻസ്, സിനിമ ടിക്കറ്റ് തുടങ്ങിയവയ്ക്ക് ഒരുശതമാനം വിലയാണ് കുറയുക.
സെസ് വഴി 1700 കോടിയിലധികം രൂപയാണ് സര്‍ക്കാരിന്റെ ഖജനാവിലേക്ക് എത്തിയിട്ടുള്ളത്.
