സാമൂഹ്യപ്രവര്‍ത്തക എന്ന നിലയിൽ തന്‍റെ സൽപ്പേരിന് കളങ്കം വരുത്താനുള്ള ശ്രമമാണ് നടന്നതെന്നണ് നഗരസഭാ അധ്യക്ഷയുടെ ആരോപണം. പട്ടികജാതി , പട്ടികവര്‍ഗ വിഭാഗക്കാര്‍ക്കെതിരായ അതിക്രമം തടയൽ നിയമപ്രകാരവും ഐപിസി വകുപ്പുകള്‍ പ്രകാരവും ഇരുവര്‍ക്കുമെതിരെ നടപടിയെടുക്കണമെന്നാണ് നഗരസഭാ അധ്യക്ഷയുടെ പരാതി. തന്നെ സോഷ്യൽ മീഡിയയിലൂടെ അപമാനിക്കാൻ ശ്രമിച്ചെന്നും അവർ ആരോപിക്കുന്നു.
Also Read:
തൃക്കാക്കര നഗരസഭാ പരിധിയിൽ തെരുവുനായ്ക്കളെ കൂട്ടത്തോടെ കൊന്നൊടുക്കിയ സംഭവം വിവാദമായിരുന്നു. ഇതേത്തുടര്‍ന്ന് രഞ്ജിനി ഹരിദാസ് അടക്കമുള്ള മ‍ൃഗസംരക്ഷണ പ്രവര്‍ത്തകര്‍ നഗരസഭാ ഓഫീസിനു മുന്നിൽ കണ്ണുമൂടിക്കെട്ടി പ്രതിഷേധിച്ചിരുന്നു. ഇതിനു പിന്നാലെയാണ് പരാതി.
Also Read:
ഈച്ചമുക്ക് പരിസരത്തു വാനിലെത്തിയ സംഘം നായകളെ കുരുക്കിട്ടു പിടിക്കുന്നതിൻ്റെ സിസിടിവി ദൃശ്യങ്ങളാണ് സംഭവം പുറത്തെത്തിച്ചത്. നായകളെ കൊന്ന സംഭവത്തിൽ മൂന്ന് പേരാണ് അറസ്റ്റിലായിട്ടുള്ളത്. ജൂനിയര്‍ ഹെൽത്ത് ഇൻസ്പെക്ടറുടെ നിര്‍ദേശപ്രകാരമാണ് നടപടിയെന്ന് അറസ്റ്റിലായവര്‍ മൊഴി നല്‍കിയെന്നാണ് കൈരളി ന്യൂസ് റിപ്പോര്‍ട്ട്. കഴിഞ്ഞ ദിവസം സ്ഥലത്തു നടത്തിയ പരിശോധനയിൽ നാൽപതോളം നായകളുടെ അഴുകിയ ജ‍ഡം കണ്ടെത്തിയിരുന്നു. സംഭവത്തിൽ നഗരസഭാ ചെയര്‍പേഴ്സണെതിരെ ക്രിമിനൽ കേസെടുക്കണമെന്നാണ് പ്രതിപക്ഷത്തിൻ്റെ ആവശ്യം.
കേസിൽ ആരോപണവിധേയനായ ജൂനിയര്‍ ഹെൽത്ത് ഇൻസ്പെക്ടറും നഗരസഭയ്ക്കെതിരെയാണ് ആരോപണം ഉന്നയിക്കുന്നത്. ചെയര്‍പേഴ്സണെ രക്ഷിക്കാനായി തന്നെ ബലിയാടാക്കുകയാണെന്ന് ഇദ്ദേഹം മൊഴി നല്‍കി. നഗരസഭാധ്യക്ഷ, സെക്രട്ടറി, ആരോഗ്യ സ്റ്റാൻഡിങ് കമ്മിറ്റി ചെയര്‍പേഴ്സൺ എന്നിവര്‍ ചേര്‍ന്നാണ് നായകളെ കൊല്ലാൻ തീരുമാനിച്ചതെന്നാണ് ഇദ്ദേഹം പറയുന്നത്.
